କଟକ: ଏସସିବି ମେଡ଼ିକାଲ୍ କଲେଜ ଓ ହସ୍ପିଟାଲରେ(SCB Medical) ଉଦଘାଟିତ ହେଲା ଲିଭର ପ୍ରତିରୋପଣ ବିଭାଗ(Liver Transplantation Unit) । ଗୁରୁବାର ନୂତନ ଲିଭର ପ୍ରତ୍ୟାର୍ପଣ ବିଭାଗ, ନିଉବର୍ଣ୍ଣ ୟୁନିଟ ଆଇସିୟୁ ଓ ମେଡିସିନ କ୍ୟାବିନର ଉଦଘାଟନ କରିଛନ୍ତି ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ମନ୍ତ୍ରୀ ନବ କିଶୋର ଦାସ(Health and Family Welfare Minister)। ଏଣିକି ଆକ୍ରାନ୍ତମାନେ ଟ୍ରାନ୍ସପ୍ଲାଣ୍ଟ ପାଇଁ ନୂଆ ଲିଭର ଟ୍ରାନ୍ସପ୍ଲାଣ୍ଟ ଆଉଟଡୋରରେ ପଞ୍ଜିକରଣ କରିପାରିବେ ।
ଏହା ମଧ୍ୟ ପଢନ୍ତୁ: ORHDC Scam: ବିଧାୟକ ମହମ୍ମଦ ମୋକିମଙ୍କୁ 3ବର୍ଷ ଜେଲ ଦଣ୍ଡ
ଏସସିବି ମେଡ଼ିକାଲ ପରିସରରେ ନିଉବର୍ଣ୍ଣ ୟୁନିଟର ୧୦ଟି ଆଇସିୟୁ ବେଡ ଏବଂ ମେଡିସିନ ବିଭାଗର ୧୩ ଟି କ୍ୟାବିନର ସ୍ବାସ୍ଥ୍ୟ ମନ୍ତ୍ରୀ ଉଦଘାଟନ କରିଛନ୍ତି । ଯେଉଁଥିରେ ରାଜ୍ୟବାସୀଙ୍କୁ ଆହୁରି ଉତ୍ତମ ସ୍ୱାସ୍ଥ୍ୟ ସେବା ମିଳିପାରିବ । ସେହିପରି ଏସସିବିରେ ଖୁବଶୀଘ୍ର ମାଗଣାରେ ଲୋକେ ଲିଭର ପ୍ରତ୍ୟାର୍ପଣ କରି ପାରିବେ । ଆସନ୍ତା ଦୁଇ ମାସ ମଧ୍ୟରେ ରାଜ୍ୟବାସୀଙ୍କୁ ଏହି ସୁବିଧା ମିଳିପାରିବ ।
ଏନେଇ ମନ୍ତ୍ରୀ କହିଛନ୍ତି ଯେ, ‘‘ବହୁତ ଦିନରୁ କିଭଳି କଟକରେ କିଡନୀ, ଲିଭର ଟ୍ରାନ୍ସପ୍ଲାଣ୍ଟ ହୋଇପାରିବ ସେନେଇ ମୁଖ୍ୟମନ୍ତ୍ରୀଙ୍କ ନିକଟରେ ଦାବି ରହିଥିଲା । ଆଜି ଖୁସିର କଥା ୟୁନିଟର ୧୦ଟି ଆଇସିୟୁ ବେଡ ଏବଂ ମେଡିସିନ ବିଭାଗର ୧୩ ଟି କ୍ୟାବିନର ଉଦଘାଟନ କରାଯାଇଛି । ଏହା ଏକ ଖୁସିର କଥା । ଏହା ଏସସିବି ପାଇଁ ଏକ ଗର୍ବର କଥା । ଡାକ୍ତରୀ ପଦ ଯେମିତି ଖାଲି ନହେବ ମୁଁ ସେଥିପ୍ରତି ଦୃଷ୍ଟି ଦେବି । ସରକାର ସ୍ବାସ୍ଥ୍ୟର ଭିତ୍ତିଭୂମି ପାଇଁ ଅନେକ ପଇସା ଖର୍ଚ୍ଚ କରୁଛନ୍ତି । ଏସସିବିକୁ ବିଶ୍ବ ସ୍ତରୀୟ କରିବା ପାଇଁ ନାନା ଯୋଜନା ମଧ୍ୟ କରିଛନ୍ତି । ଆଗାମୀ ଦିନରେ ବୁର୍ଲା ମେଡିକାଲ କଲେଜ, ବ୍ରହ୍ମପୁର ମେଡିକାଲ କଲେଜ ସହ କ୍ୟାନସର ହସ୍ପିଟାଲର ମଧ୍ୟ ଉନ୍ନତି କରାଯିବ ।’’
ଇଟିଭି ଭାରତ, କଟକ
