କଟକ: ବେଆଇନ ବାଣ ଦୋକାନ ଉପରେ ରେଡ଼ । ପଦ୍ମପୁର ଅଞ୍ଚଳରେ ରେଡ଼ କଲା ଜଗତପୁର ଥାନା ପୋଲିସ । ରେଡ଼ ସମୟରେ ଲକ୍ଷାଧିକ ଟଙ୍କାର ବେଆଇନ ବାଣ ଜବତ ହୋଇଛି ।
ଦୀପାବଳିରେ କେବଳ ସବୁଜ ବାଣ ବିକ୍ରି ପାଇଁ ରହିଛି କୋର୍ଟର ଅନୁମତି । କିନ୍ତୁ କୋର୍ଟଙ୍କ ନିର୍ଦ୍ଦେଶକୁ ଅବମାନନା କରି କିଛି ଅସାଧୁ ବ୍ୟବସାୟୀ ପାରମ୍ପରିକ ବାଣ ବିକ୍ରି କରୁଥିବା ପୋଲିସକୁ ଖବର ମିଳିଥିଲା । ଏହା ପରେ ପୋଲିସ ଚଢାଉ କରି ବିପୁଳ ପରିମାଣର ବାଣ ସହ ବାରୁଦକୁ ମଧ୍ୟ ଜବତ କରିଛି ।
ତେବେ ସୂଚନା ଥାଉ କି ଦୀପାବଳିରେ ବାଣ ବିକ୍ରି ଓ ଫୁଟାଇବାକୁ ନେଇ ଆଶା ଆଶଙ୍କାରେ ଥିଲେ ବ୍ୟବସାୟୀ । କିନ୍ତୁ ଗତକାଲି (ସୋମବାର) ହାଇକୋର୍ଟ କେବଳ ସବୁଜ ବାଣ ବିକ୍ରିକୁ ଅନୁମତି ଦେଇଥିଲେ । କିନ୍ତୁ ବାଣ ବିକ୍ରିକୁ ଅନୁମତି ମିଳିବା ପରେ ବ୍ୟବସାୟୀମାନେ ବାୟୁକୁ ପ୍ରଦୂଷିତ କରୁଥିବା ବା ବିଷାକ୍ତ ଧୂଆଁ ବାହାରୁଥିବା ବାଣଗୁଡିକୁ ବିକ୍ରି କରୁଥିବା ଆସିଛି ନଜର ।
କଟକରୁ ନାରାୟଣ ସାହୁ, ଇଟିଭି ଭାରତ
