କଟକ: କଟକରେ ଫାଙ୍କା ପଡୁଛି କୋଭିଡ ବେଡ଼ । ଯାହା କିଛି ମାତ୍ରାରେ ଲୋକଙ୍କୁ କରାଉଛି ଆଶ୍ୱସ୍ଥ । ହେଲେ ICU ବେଡ଼ ସ୍ଥିତି ଯେମିତି ଥିଲା ସେମିତି ରହିଛି । କାରଣ ଯେଉଁ ରୋଗୀର ସ୍ୱାସ୍ଥ୍ୟବସ୍ଥା ଜଟିଳ ହେଉଛି ସେ ସଙ୍ଗେସଙ୍ଗେ ଆଇସିୟୁରେ ଭର୍ତ୍ତି ହେଉଛି । ଆଉ ଅନେକ ଦିନ ପର୍ଯ୍ୟନ୍ତ ରହୁଛନ୍ତି । ଯାହା ଅନ୍ୟ ରୋଗୀ ମାନଙ୍କ ପାଇଁ ଚିନ୍ତା ବଢ଼ାଇ ଦେଉଛି ।
କଟକରେ ବଢୁଛି ଆଇସିୟୁ ବେଡ଼, ଫାଙ୍କା ପଡ଼ିଲାଣି ୱାର୍ଡ ବେଡ଼
ହେଲେ ଗତକାଲିଠୁ(ଶନିବାର) ହସ୍ପିଟାଲର ICU ବେଡ଼କୁ ବୃଦ୍ଧି କରାଯାଇଛି । ଯାହା ଦ୍ୱାରା କୋଭିଡ ରୋଗୀ ମଧ୍ୟ ଆଶ୍ୱସ୍ଥ ହୋଇପାରିବେ । ଏହାସହ ଆଉ କିଛି ମେଡିକାଲକୁ କୋଭିଡ ମେଡିକାଲ ଘୋଷଣା କରାଯାଇଛି । ଏହା ଦ୍ୱାରା ଚିକିତ୍ସା ପ୍ରକ୍ରିୟା ବ୍ୟାପକ ହେବ । ତେବେ ବର୍ତ୍ତମାନ ଯେଉଁ ସ୍ଥିତି ରହିଛି ତାହା ନିଶ୍ଚୟ ରୂପରେ ବିପଦ ଟଳୁଥିବାର ସ୍ପଷ୍ଟ ହେଉଛି ।
ପୂର୍ବରୁ ଯେଉଁ ସଂକ୍ରମଣର ଲହର ଥିଲା ତାହା ମଧ୍ୟ ଧୀରେ ଧୀରେ କମୁଛି । ଯାହା ଆଉ କିଛି ଦିନ ମଧ୍ୟରେ ସମ୍ପୂର୍ଣ୍ଣ ରୂପରେ ଆୟତକୁ ଆସିଯିବ ବୋଲି କୁହାଯାଉଛି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
