କଟକ: ଚଳିତ ବର୍ଷ ବିଶାଳ ଆକାରରେ ହେବ ଐତିହାସିକ ବାଲିଯାତ୍ରା । 100 ଏକର ଜାଗାରେ ହେବ କଟକର ଗର୍ବ ଗୌରବ ଓ ଅସ୍ମିତା ସହ ଜଡିତ ବାଲିଯାତ୍ରା । ଏନେଇ ଜିଲ୍ଲା ପ୍ରଶାସନ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଛି । ବାଲିଯାତ୍ରାକୁ ଜାତୀୟ ମାନ୍ୟତା ପାଇଁ ପ୍ରୟାସ ଆରମ୍ଭ କରିଛି ସଂସ୍କୃତି ବିଭାଗ । ଏନେଇ କେନ୍ଦ୍ର ସରକାରଙ୍କୁ ସୁପାରିଶ କରିଛି ବିଭାଗ ।
ବାଲିଯାତ୍ରା ଓଡ଼ିଶାର ସଂସ୍କୃତି ପରମ୍ପରା ତଥା ଲୋକକଳାକୁ ଲୋକାଭିମୁଖୀ କରିବା ପାଇଁ ଚଳିତ ବର୍ଷ 17ଟି ଲୋକ ସଂସ୍କୃତିକୁ ବାଲିଯାତ୍ରାର ସାମିଲ କରାଯିବ । ଏହା ସହିତ ନାମିଦାମୀ କଳାକାରଙ୍କୁ ନେଇ ଅନୁଷ୍ଠିତ ହେବ ସାଂସ୍କୃତିକ କାଯ୍ୟକ୍ରମ । ଚଳିତ ବର୍ଷ ବାଲିଯାତ୍ରା ପାଇଁ 20ଲକ୍ଷ ଟଙ୍କା ଅନୁଦାନ ଦେବ ରାଜ୍ୟ ସଂସ୍କୃତି ବିଭାଗ । ଏହାସହ ଉପର ଓ ତଳ ବାଲିଯାତ୍ରା ପଡିଆରେ ଦୁଇଟି ଷ୍ଟେଜ ରହିବ । ଯେଉଁଠାରେ ଓଡିଶାର ସଂସ୍କୃତି ଓ ପରମ୍ପରାକୁ ପାଖରୁ ଦେଖି ପାରିବେ ଦର୍ଶକ ।
ଏହା ବି ପଢନ୍ତୁ...ଏଥର ୧୦୦ ଏକର ଜାଗାରେ ହେବ କଟକର ପ୍ରସିଦ୍ଧ ବାଲିଯାତ୍ରା
କୋରୋନା କଟକଣା ପାଇଁ ଗତ 2 ବର୍ଷ ହେଲା ବାଲିଯାତ୍ରା ବନ୍ଦ ରହିଥିଲା । ଚଳିତ ବର୍ଷ ଧୁମଧାମରେ ବାଲିଯାତ୍ରାକୁ ପାଳନ କରିବାକୁ ଅଣ୍ଟା ଭିଡ଼ିଛି କଟକ ଜିଲ୍ଲା ପ୍ରଶାସନ । ହାଡ଼ିଆପଠାରେ ବାଲିପୋତା ହୋଇ ସୃଷ୍ଟି ହୋଇଥିବା ନୂତନା ଜାଗାକୁ ନେଇ ଏଥର ବାଲିଯାତ୍ରାର ଆକାର ବିଶାଳ କରାଯିବ । ପାଖାପାଖି 100 ଏକର ଜାଗା ଉପରେ ଆୟୋଜନ ହେବ ଯାତ୍ରା । ଓଡ଼ିଶାର ପାରମ୍ପରିକ ସାଂସ୍କୃତିକ କାଯ୍ୟକ୍ରମ ସହିତ ଦେଶ ବିଦେଶର କଳା କାରମାନଙ୍କୁ ନେଇ ରଙ୍ଗାରଙ୍ଗ କଯ୍ୟକ୍ରମ କରିବା ଲକ୍ଷ୍ୟରେ ରହିଛି ରାଜ୍ୟ ସଂସ୍କୃତି ବିଭାଗ । ଆସନ୍ତା ନଭେମ୍ବର ୮ରୁ ୧୪ ତାରିଖ ପର୍ଯ୍ୟନ୍ତ ଆୟୋଜିତ ହେବ ।
ଇଟିଭି ଭାରତ, କଟକ
