କଟକ: କାନ୍ଥକଣା କରି ଅଳଙ୍କାର ଦୋକାନରେ କଳାକନା ବୁଲାଇଲେ ଦୁର୍ବୃତ୍ତ । କଟକ ଜଗତପୁର ଅଞ୍ଚଳରେ ଏକ ଲୁଟ ଘଟଣା ସାମ୍ନାକୁ ଆସିଛି । ଆଇ.ବି ରୋଡରେ ଥିବା ଏକ ଅଳଙ୍କାର ଦୋକାନରୁ ଲକ୍ଷାଧିକ ଟଙ୍କାର ସୁନା ଅଳଙ୍କାର ଲୁଟ ହୋଇଥିବା ଅଭିଯୋଗ ହୋଇଛି ।
ଦୁର୍ବୃତ୍ତମାନେ ଶୁକ୍ରବାର ବିଳମ୍ବିତ ରାତିରେ ଦୋକାନର ପଛ ପଟ କାନ୍ଥକୁ କଣା କରି ଦୋକାନରେ ପଶିଥିଲେ । ଲକ୍ଷ ଲକ୍ଷ ଟଙ୍କାର ସୁନା ଓ ରୁପା ଲୁଟି ନେଇଥିବା ଅଭିଯୋଗ ହୋଇଛି । ଖବରପାଇ ଜଗତପୁର ପୋଲିସ ଘଟଣାର ଛାନଭିନ୍ ଆରମ୍ଭ କରିଛି ।
କାନ୍ଥ କଣା କରି ଦୁର୍ବୃତ୍ତ ଲୁଟି ନେଲେ ସୁନାଗହଣା
ତେବେ ଦୋକାନକୁ ପ୍ରବେଶ କରିଥିବା ଲୁଟେରାମାନେ ମୁହଁ ଘୋଡ଼ାଇଥିଲେ ଏବଂ ଲୁଟ କରିବା ପୂର୍ବରୁ ଦୋକାନର ସିସିଟିଭିର ସଂଯୋଗକୁ କାଟି ଦେଇଥିବା ଦୋକାନ ମାଲିକ ଅଭିଯୋଗ କରିଛନ୍ତି । ଏହି ଲୁଟ୍ ଘଟଣାରେ ପୋଲିସର ପ୍ରତିକ୍ରିୟା ମିଳିପାରିନାହିଁ ।
କଟକରୁ ନାରାୟଣ ସାହୁ, ଇଟିଭି ଭାରତ
