କଟକ: ଗ୍ୟାଙ୍ଗଷ୍ଟର ସକିଲର ବଦଳିଲା ଠିକଣା । ଚୌଦ୍ବାର ବଦଳରେ କେନ୍ଦୁଝର ଜିଲ୍ଲା ହେଲା ନୂଆ ଠିକଣା । ସୂଚନା ଅନୁଯାୟୀ ଗ୍ୟାଙ୍ଗଷ୍ଟର ସକିଲକୁ ଶନିବାର ଚୌଦ୍ବାର ମଣ୍ଡଳ କାରାଗାରରୁ କେନ୍ଦୁଝର ଜିଲ୍ଲା କାରାଗାରକୁ ସ୍ଥାନାନ୍ତର କରାଯାଇଛି । ସକିଲ ବିରୋଧରେ ଏନଏସଏ(ଜାତୀୟ ନିରାପତ୍ତା ଆଇନ) ଲାଗୁ କରାଯାଇଛି। ଯାହାଦ୍ବାରା ତାଙ୍କୁ 3 ମାସ ପର୍ଯ୍ୟନ୍ତ ମିଳିପାରିବନି ବେଲ୍ । ଅତ୍ୟଧିକ ହାର୍ଡକୋର ଅପରାଧୀ ହୋଇଥିବାରୁ ତା ବିରୋଧରେ ଏପରି ଆଇନ ଲାଗୁ କରାଯାଇଛି ।
ପ୍ରକାଶ ଯେ ଜୁନ 6, 2019ରେ ସକିଲକୁ ମଙ୍ଗଳବାର ଥାନା ଅଧିନସ୍ଥ କେଶରପୁର ଛୋଟୀ ମସଜିଦ ଅଞ୍ଚଳରୁ ଗିରଫ କରାଯାଇଥିଲା । ସକିଲ ନାଁରେ ଅନେକ ଗୁରୁତର ମାମଲା ରହିଥିବାବେଳେ ପୋଲିସ ଏହାର ସନ୍ଧାନରେ ରହିଥିଲା । ତେବେ ପୋଲିସର କଡା ସୁରକ୍ଷା ବଳୟ ମଧ୍ୟରେ ସକିଲକୁ ଶନିବାର କେନ୍ଦୁଝର ସ୍ଥାନାନ୍ତର କରାଯାଇଛି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
