କଟକ: ଗିରଫ ହେଲା ଗ୍ୟାଙ୍ଗଷ୍ଟାର ସକିଲ ଗାର୍ଲଫ୍ରେଣ୍ଡ ସହଯୋଗୀ । ଗ୍ୟାଙ୍ଗଷ୍ଟର ସକିଲର ଗାର୍ଲଫ୍ରେଣ୍ଡ ଆଉ ଜଣେ ସହଯୋଗୀକୁ ଆଜି ହ୍ୟାଣ୍ଡକପ ପକାଇଛି ପୋଲିସ।
ବିଲଡରଙ୍କୁ ଦାଦାବଟି ମାଗିବା ଓ ଆକ୍ରମଣ ଘଟଣାରେ ଉକ୍ତ ସହଯୋଗୀକୁ ଗିରଫ କରିଛି ଲାଲବାଗ ଥାନା ପୋଲିସ। ଗିରଫ ଅଭିଯୁକ୍ତର ନାଁ ସାହାନୱାଜ ଖାନ ଓରଫ ଦାଦୁ। କିଛି ଦିନ ପୂର୍ବରୁ ମାନସୀ ସହ କିଛି ଯୁବକ ଶିଶୁ ଭବନ ନିକଟ ରିଙ୍ଗବନ୍ଧରେ ଜଣେ ବିଲଡରଙ୍କୁ ଆକ୍ରମଣ କରିଥିଲେ।
ଏଥିରେ ପୂର୍ବରୁ ଆକ୍ରମଣରେ ସାମିଲ ଦୁଇ ଜଣ ଦୁର୍ବୃତ୍ତ ସହ ମାନସୀକୁ ଗିରଫ କରି ଲାଲବାଗ ଥାନା ପୋଲିସ କୋର୍ଟ ଚାଲାଣ କରିଥିବା ବେଳେ ଆଜି ସାହାନୱାଜ୍ ଖାନ ଓରଫ ଦାଦୁକୁ ଗିରଫ କରି କୋର୍ଟ ଚାଲାଣ କରିଛି।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
