ନଆଳି: ରାଜଧାନୀ ଉପକଣ୍ଠ ଟୋଲକପଡା ଜୁଆଆଡ୍ଡା ଉପରେ ପୋଲିସର ଚଢାଉ । ୮ ଜଣଙ୍କୁ ଗିରଫ ସହ ନଗଦ ଟଙ୍କା, ମୋବାଇଲ ଫୋନ ଏବଂ ମଟର ସାଇକେଲ ଜବତ କରିଛି ପୋଲିସ । ନିଆଳି ବାଲିଅନ୍ତା ପୋଲିସକୁ ଏହି ସଫଳତା ମିଳିଛି । ଦୀର୍ଘ ଦିନ ହେବ ବେଆଇନ ଭାବରେ ଚାଲିଥିବା ଜୁଆଆଡ୍ଡା ଉପରେ ଚଢ଼ାଉ କରି ଗ୍ରାହକ ଓ ଆୟୋଜନମାନଙ୍କୁ ଗିରଫ କରିବାରେ ସକ୍ଷମ ହୋଇଛି । ବାଲିଅନ୍ତା ପୋଲିସ ସୂତ୍ରରୁ ମିଳିଥିବା ସୂଚନା ଅନୁସାରେ ରାଜଧାନୀ ଉପକଣ୍ଠ ତଥା ବାଲିଅନ୍ତା ଥାନା ସତ୍ୟଭାମା ପଞ୍ଚାୟତ ଟୋଲକପଡା ନିକଟରେ ଦୀର୍ଘ ଦିନ ଧରି ବେଆଇନ ଭାବରେ ଚାଲି ଆସୁଥିଲା ଜୁଆଆଡ୍ଡା ।
ଖବର ପାଇ ଚଢ଼ାଉ କରିବା ସହ ଆୟୋଜକ, ଗ୍ରାହକ, ୬ଟି ମୋବାଇଲ ଫୋନ, 3ଟି ମଟର ସାଇକେଲ, ନଗଦ ୬୦ ହଜାର ଟଙ୍କା ସମେତ ସୁନାମୁଦି ପୋଲିସ ଜବତ କରିଛି । ଗିରଫ ହୋଇଥିବା ବ୍ୟକ୍ତିମାନେ ହେଲେ ଗୋତଲ ଗ୍ରାମର ଦୁଇଜଣ କାଳନ୍ଦି ପ୍ରଧାନ ଏବଂ ଅନାମ ନାଥ, ଭିଙ୍ଗାରପୁର ଗାଁର ଶଙ୍କର ସାହୁ, ବାରିଲୋ ଗାଁର କାସିନାଥ ପାଲ ଓ ସୁଶାନ୍ତ ମଲିକ ସେହିପରି ଟୋଲକପଡାରର ପ୍ରଣବ ସିଂଦେଓ, ଇନ୍ଧରା ଗାଁର ପ୍ରମୋଦ କୁମାର ରାଉତ ଏବଂ ବଡଗଡ ଅଞ୍ଚଳର ଅଜୟ କୁମାର ଜେନା ପ୍ରମୁଖଙ୍କୁ ପୋଲିସ ଗିରଫ କରିଛି । ଏମାନଙ୍କ ଠାରୁ ଉପରୋକ୍ତ ଜିନିଷ ଜବତ ହୋଇଛି। ସେମାନଙ୍କୁ କୋର୍ଟ ଚାଲାଣ କରାଯିବା ନେଇ ବୋଲି ପୋଲିସ ସୂତ୍ରରୁ ସୂଚନା ମିଳିଛି ।
ନିଆଳିରୁ ଉମେଶ ଚନ୍ଦ୍ର ମଲ୍ଲିକ, ଇଟିଭି ଭାରତ
