କଟକ: ପୂର୍ବତନ ଅତିରିକ୍ତ ଏସପି ତ୍ରିନାଥ ମିଶ୍ରଙ୍କୁ ମିଳିଲା ସର୍ତ୍ତମୂଳକ ଜାମିନ । ସର୍ତ୍ତମୂଳକ ଜାମିନ ପ୍ରଦାନ କଲେ କଟକ ସ୍ବତନ୍ତ୍ର ଭିଜିଲାନ୍ସ ଅଦାଲତ। ୬୦ ଦିନ ମଧ୍ୟରେ ଚାର୍ଜସିଟ ଦାଖଲ ନ ହେବାରୁ ମିଳିଛି ଜାମିନ । ଫେବୃଆରୀ ୧୬ ରେ ଭିଜିଲାନ୍ସ ଦ୍ବାରା ଗିରଫ ହୋଇଥିଲେ ତ୍ରିନାଥ ମିଶ୍ର। ଆୟ ବର୍ହିଭୁତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଗିରଫ କରିଥିଲା। ଆୟ ବର୍ହିଭୁତ ସମ୍ପତ୍ତିକୁ ନେଇ ଭିଜିଲାନ୍ସ ଏକକାଳୀନ 11 ଟି ସ୍ଥାନରେ ଚଢାଉ କରିଥିଲା । ଖୋର୍ଦ୍ଧା, ନବରଙ୍ଗପୁର, ଜଗତସିଂପୁର, ଯାଜପୁର ଭଳି ସ୍ଥାନରେ ରେଡ କରି ତ୍ରୀନାଥଙ୍କ 9 କୋଟିରୁ ଅଧିକ ଟଙ୍କାର ସମ୍ପତ୍ତି ଜବତ କରିଥିଲା ।
ତେବେ ପରବର୍ତ୍ତୀ ସମୟରେ ଗତ ଫେବୃୟାରୀ 21 ରେ ରାଜ୍ୟ ସରକାର ତାଙ୍କୁ ବାଧ୍ୟତାମୂଳକ ଅବସର ମଧ୍ୟ ଦେଇଥିଲେ। କୋର୍ଟ ଜାମିନ ଦେଇ କୋର୍ଟ ପ୍ରମାଣ ନଷ୍ଟ ନ କରିବାକୁ ସର୍ତ୍ତ ରଖିଛନ୍ତି। ଜାମିନରେ ଅନ୍ୟାନ୍ୟ ସର୍ତ୍ତ ମଧ୍ୟ ରଖିଛନ୍ତି ଭିଜିଲାନ୍ସ କୋର୍ଟ।
କଟକରୁ ନାରାୟଣ ସାହୁ, ଇଟିଭି ଭାରତ
