କଟକ: 2014 ମସିହା ମାଲଗୋଦାମ ଡାଲି ବ୍ୟବସାୟୀ ମହମ୍ମଦ ଫାରୁକ ହତ୍ୟାକାଣ୍ଡ ଘଟଣା । ଗିରଫ ହେଲେ ଆଉ 3 ଅଭିଯୁକ୍ତ । ଗତକାଲି ଏହି ମାମଲାରେ ଶଙ୍କରକୁ ଗିରଫ କରାଯାଇଥିବା ବେଳେ ଆଜି(ଗୁରୁବାର) ଆଉ 3 ଜଣଙ୍କୁ ଗିରଫ କରିଛି କମିଶନରେଟ ପୋଲିସ ।
ଫାରୁକ ହତ୍ୟାକାଣ୍ଡ ମାମଲା; କାଲି ଶଙ୍କର, ଆଜି ଚନ୍ଦନ ଗିରଫ
ତେବେ ଏହି ୩ ଜଣଙ୍କ ମଧ୍ୟରୁ ଜଣେ ନାବାଳକ ରହିଥିବା ନେଇ ସୂଚନା ଦେଇଛନ୍ତି ଡିସିପି । ତେବେ ଏହି 3 ଜଣ ମଧ୍ୟ ଡି ବ୍ରଦର୍ସଙ୍କ ସହଯୋଗୀ ବୋଲି ସ୍ପଷ୍ଟ କରିଛି ପୋଲିସ । ଅଭିଯୁକ୍ତ ଶଙ୍କରଙ୍କୁ ଲୁଚାଇବାରେ ସହଯୋଗ କରୁଥିଲେ ଏହି 3 ଜଣ ଅପରାଧୀ । ଏମାନଙ୍କ ନାଁରେ କଟକର ବିଭିନ ଥାନାରେ ମାମଲା ରହିଥିବା ଜଣାପଡ଼ିଛି ।
ଗତକାଲି ପୋଲିସ ଏହି ହତ୍ୟାକାଣ୍ଡର ମୁଖ୍ୟ ଅପରାଧୀ ଦୀପକକୁ ଗିରଫ କରିବା ପରେ ସିନ ରିକ୍ରିଏସନ କରିଥିଲା । ୨୦୧୪ ମସିହା ନଭେମ୍ବର ୧୨ ତାରିଖରେ ଦୀପକ ଅନ୍ୟ ଅଭିଯୁକ୍ତଙ୍କ ସହ ଆସି ଫାରୁକଙ୍କୁ ଗୁଳି କରି ଫେରାଇ ହୋଇଯାଇଥିଲା ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
