କଟକ: ଘୋଷଣା ସରିଛି ପ୍ୟାକେଜ । ଚିହ୍ନଟ ସରିଛି ସ୍ଥାନ । କେବଳ ବାକି ରହିଛି ଉଚ୍ଛେଦ ପ୍ରକ୍ରିୟା । କିନ୍ତୁ ପ୍ୟାକେଜ ଘୋଷଣା ପରେ ହଡବଡେଇ ହୋଇଯାଇଛନ୍ତି ବସ୍ତିବାସୀନ୍ଦା । ଆମକୁ ଟଙ୍କା ନୁହେଁ ବାସ ଖଣ୍ଡେ ଦିଆଯାଉ ବୋଲି ମିବେଦନ କରିଛନ୍ତି ଅଧିବାସୀ ।
ତିନି ପୁରୁଷ ଧରି ରହି ଆସୁଥିବା ଭିଟା ମାଟିକୁ ତ ଆପଣ ନେଇଯିବେ । ସେଥିରେ କିଛି ମନ ଦୁଃଖ ନାହିଁ । କିନ୍ତୁ ଘର ଗଲେ ଗୋଟେ ଘର ତ ଦରକାର । ଟଙ୍କା ନେଲେ କଣ ହେବ । ଘର ଟେ ଦିଅ ଆଉ ଆମ ମାନଙ୍କୁ ବିପଦ ରୁ ରକ୍ଷା କର ଏପରି କହିଛନ୍ତି ବସ୍ତି ବାସୀନ୍ଦା ।
ଏସସିବି ମେଡିକାଲକୁ ବିଶ୍ବସ୍ତରରେ ପରିଚୟ ପ୍ରଦାନ କରିବା ନେଇ ପ୍ୟାକେଜ ଘୋଷଣା କରିଛନ୍ତି ରାଜ୍ୟ ସରକାର । ଅତ୍ୟାଧୁନିକ ଚିକିତ୍ସା ଓ ମେଡିକାଲକୁ ସଂପ୍ରସାରଣ କରିବେ ନେଇ ସରକାରୀ ସ୍ତରରେ ହୋଇଛି ଘୋଷଣା । ତେବେ ଏହି ବଡ଼ କଳ୍ପନା ମଧ୍ୟରେ ନିଜର ବାସ ହରାଇବେ ବସ୍ତି ବାସୀନ୍ଦା । ତେବେ ଫ୍ରେବୁଆରୀ 28 ପୂର୍ବରୁ ସରିବ ଜମି ଅଧିଗ୍ରହଣ କାମ । ମାର୍ଚ୍ଚ ପ୍ରଥମରୁ ଆରମ୍ଭ ହେବ କାମ । ତେବେ ଏହାରି ଭିତରେ ନିରାଶ ହୋଇଛନ୍ତି ବସ୍ତି ବାସୀନ୍ଦା।
ସରକାରୀସ୍ତରରେ ବସ୍ତିରେ ରହୁଥିବା ପରିବାର ମାନଙ୍କ ପାଇଁ ଯେତିକି ଆର୍ଥିକ ପ୍ରୋତ୍ସାହନ ଲାଗୁ କରାଯାଇଛି ତାହା ଆମର ଆଵଶ୍ୟକତା ନାହିଁ ବୋଲି କହିଛନ୍ତି ବସ୍ତି ବାସୀନ୍ଦା । କେବେଳ ଟଙ୍କା ସ୍ଥାନରେ ଯଦି ବାସ ଗୃହ ଖଣ୍ଡେ ମିଳନ୍ତା ତେବେ ଆଗମୀ ଦିନରେ ବହୁତ ଭଲରେ ଜୀବନ ଯାପନ କରି ପାରନ୍ତୁ ବୋଲି କହିଛନ୍ତି ବସ୍ତି ବାସୀନ୍ଦା ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
