କଟକ: ଏସସିବିରେ ଫେଲ୍ ମାରୁଛି ECMO ଚିକିତ୍ସା । ଏସସିବି ECMO ୟୁନିଟରେ ଚିକିତ୍ସାଧୀନ ଅବସ୍ଥାରେ ଆଉ ଜଣେ ରୋଗୀଙ୍କ ମୃତ୍ୟୁ ହୋଇଛି । ମୃତକ ମେଡିକାଲର ନ୍ୟୁରଲୋଜି ବିଭାଗୀୟ ମୁଖ୍ୟ ପ୍ରଫେସର ଡାକ୍ତର ଅଶୋକ ମଲ୍ଲିକଙ୍କ ଏକମାତ୍ର ପୁଅ ଚର୍ଚ୍ଚିତ ମଲ୍ଲିକ(୧୮) । ଗତ ୨୫ ତାରିଖରେ ସେ ଏସସିବିରେ ଭର୍ତ୍ତି ହୋଇଥିଲେ । ହୃତଘାତରେ ତାଙ୍କର ଆଜି ସକାଳୁ ମୃତ ଘଟିଛି ।
ପୂର୍ବରୁ ECMO ୟୁନିଟରେ ଭର୍ତ୍ତି ହୋଇଥିବା ୪ ଜଣଙ୍କର ମୃତ୍ୟୁ ହୋଇଥିଲା । ଏବେ ଆଉ ଜଣେ ରୋଗୀ ECMO ୟୁନିଟରେ ଚିକିତ୍ସାଧୀନ ଅବସ୍ଥାରେ ଆଖି ବୁଜିଛନ୍ତି ।
ଉଲ୍ଲେଖଯୋଗ୍ୟ, ଗତ ଅଗଷ୍ଟ ୨୭ ତାରିଖରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୂର୍ବ ଭାରତର ସବୁଠାରୁ ବୃହତ୍ତର ଏବଂ ମାଗଣା ECMO ୟୁନିଟ ଏସସିବିରେ ଉଦଘାଟନ କରିଥିଲେ । ଏସସିବି କାଡିଓଥେରାସିସ୍ ବିଭାଗରେ ୯ଟି ECMO ମେସିନ୍ ବସାଯାଇ ଥିବାବେଳେ ୬ଟି ଅଣକୋରୋନା ରୋଗୀଙ୍କ ପାଇଁ ଏବଂ ୩ଟି କୋରୋନା ରୋଗୀଙ୍କ ପାଇଁ ଚିକିତ୍ସା ବ୍ୟବସ୍ଥା କରାଯାଇଥିଲା ।
କଟକରୁ ନାରାୟଣ ସାହୁ, ଇଟିଭି ଭାରତ
