କଟକ: ଗତବର୍ଷ ପରି ଚଳିତ ବର୍ଷ ମଧ୍ୟ ପାର୍ବଣ ଋତୁ ଉପରେ ଲାଗିଛି କଟକଣା । କେବଳ ସମିତି ପୂଜକରେ ହେବ ଦୁର୍ଗାପୂଜା । ଏନେଇ ସରକାରଙ୍କ ତରଫରୁ ଗାଇଡନାଇନ ଜାରି ହୋଇଛି । ମୂର୍ତ୍ତିର ଉଚ୍ଚତାକୁ ନେଇ ମଧ୍ୟ ଜାରି ହୋଇଛି ଗାଇଡ଼ଲାଇନ । ହେଲେ ଏହାକୁ ବିରୋଧ କରି ମତ ରଖିଛନ୍ତି କଟକର ସମସ୍ତ ପୂଜା କମିଟି ।
ଦୁର୍ଗାପୂଜାରେ କୋଭିଡ କଟକଣା କୋହଳ ପାଇଁ ସରକାରଙ୍କୁ ଦାବି କରିବ ପୂଜା କମିଟି
ଏପରି ସ୍ଥଳରେ ଗତକାଲି ବସିଥିବା ମହାନଗର ଶାନ୍ତି କମିଟି ବୈଠକରେ ଆସିଛି ଗୁରୁତ୍ୱପୂର୍ଣ୍ଣ ନିଷ୍ପତ୍ତି । ପାର୍ବଣକୁ ନେଇ ରାଜ୍ୟ ସରକାର ଜାରି କରିଥିବା ଗାଇଡ଼ ଲାଇନକୁ କୋହଳ କରିବା ପାଇଁ ସରକାରଙ୍କ ନିକଟରେ ଦାବି କରିବ ଶାନ୍ତି କମିଟି । ଏନେଇ କମିଟି କହିଛି ଯେ ମା’ ଦୁର୍ଗାଙ୍କ ଉଚ୍ଚତା କମ ବହୁତରେ କୋଭିଡ ବୃଦ୍ଧି କି କମ୍ ହେବନି । ତେଣୁ ସରକାର କଟକରେ ଦୁର୍ଗା ପୂଜାକୁ ଆଶା ଅନୁରୂପ କୋହଳ କରିବେ ବୋଲି ଆଶା ରଖିଛି କଟକ ଶାନ୍ତି କମିଟି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
