କଟକ: ଜିଲ୍ଲାର ମାହାଙ୍ଗା ବ୍ଲକ ଶିକ୍ଷାବିଭାଗ ଅଧିନ ମଧୁପୁର ପଞ୍ଚାୟତ ମେରୀପୁର ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ନିଲମ୍ବିତ। ପ୍ରଧାନ ଶିକ୍ଷକଙ୍କୁ ନିଲମ୍ବନ କରିଛନ୍ତି ବ୍ଲକ ଶିକ୍ଷା ଅଧିକାରୀ । ସୂଚନା ଅନୁଯାୟୀ ମେରିପୁର ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ରବିନ୍ଦ୍ର ଦେହୁରୀ ମଦ୍ୟପାନ କରି ବିଦ୍ୟାଳୟକୁ ଆସିଥିଲେ। ସେ ପ୍ରଚୁର ମଦ୍ୟପାନ କରି ସ୍କୁଲକୁ ଆସିଥିବା ନେଇ କିଛି ଅଭିଭାବକ ବିରୋଧ କରିବା ସହ ସମ୍ପୃକ୍ତ ପ୍ରଧାନ ଶିକ୍ଷକଙ୍କୁ ସ୍କୁଲକୁ ନଆସିବାକୁ ବାରଣ କରିଥିଲେ।
ମଦ ପିଇ ସ୍କୁଲକୁ ଆସିବା ଅଭିଯୋଗରେ ପ୍ରଧାନଶିକ୍ଷକ ନିଲମ୍ବିତ
ଏପରିକି କିଛି ଅଭିଭାବକ ସମ୍ପୃକ୍ତ ପ୍ରଧାନ ଶିକ୍ଷକଙ୍କୁ ଧକ୍କା ମାରିଥିବା ନେଇ ଭିଡିଓ ଭାଇରାଲ ହୋଇଥିଲା। ପ୍ରତ୍ୟେକ ଦିନ ସେ ମଦ୍ୟପାନ କରି ସ୍କୁଲକୁ ଆସିଥିବା ନେଇ ପୂର୍ବରୁ ମଧ୍ୟ ଅଭିଯୋଗ ହୋଇଥିଲା। ତେବେ ଭିଡିଓ ଭାଇରାଲକୁ ନେଇ ଏଭଳି ପଦକ୍ଷେପ ନିଆଯାଇଥିବା ବ୍ଲକ ଶିକ୍ଷା ଅଧିକାରୀ ସୂଚନା ଦେଇଛନ୍ତି।
କଟକରୁ ନାରାୟଣ ସାହୁ, ଇଟିଭି ଭାରତ
