କଟକ: ପୋଲିସ ଡିଜି ଅଭୟଙ୍କ ଆଜି(ରବିବାର) ମାଲକାନଗିରି, କୋରାପୁଟ ଓ କନ୍ଧମାଳ ଗସ୍ତ କରିଛନ୍ତି । ସେଠାରେ କିପରି ରହିଛି ସୁରକ୍ଷା ବ୍ୟବସ୍ଥା ତାହା ଯାଞ୍ଚ କରିଛନ୍ତି ଡିଜି । ଗୋଟିଏ ପଟେ ମାଓ ଦମନ ଅଭିଯାନ ଓ କିପରି ମାଓବାଦୀ ହିଂସା ଛାଡି ସମାଜର ମୁଖ୍ୟସ୍ରୋତରେ ସାମିଲ ହେବେ ସେଥିପାଇଁ ଆହ୍ୱାନ ଦେଇଛନ୍ତି ଡିଜି । ଏହାସହ ଅନେକ ଦିଗ ଉପରେ ଉଚ୍ଚ ପଦସ୍ତ ଅଧକାରୀଙ୍କ ସହ ଆଲୋଚନା କରିଛନ୍ତି ଡିଜି ଅଭୟ ।
ଏହି 3 ଜିଲ୍ଲା ଗସ୍ତ ସମୟରେ କୋଭିଡ ବିରୁଦ୍ଧରେ ଲଢେଇ କରି ପ୍ରାଣବଳି ଦେଇଥିବା ପୋଲିସ କର୍ମଚାରୀଙ୍କ ପରିବାରକୁ ଓ କର୍ମ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ କରିଥିବା କର୍ମଚାରୀଙ୍କୁ ଡିଜିପି ଡିସ୍କ ପ୍ରଦାନ କରିଥିଲେ । ମାଲକାନଗିରି ଜିଲ୍ଲା ଏସପି କ୍ଷୀଲାରୀ ଋଷିକେଶ ଦ୍ୟାନଦେଓଙ୍କ ସମେତ 30 ଜଣଙ୍କୁ ଡିଜିପି ଡିସ୍କ ପ୍ରଦାନ କରିଛନ୍ତି । ସେହିପରି କୋରାପୁଟ ଜିଲ୍ଲାର 5 କୋରୋନା ଯୋଦ୍ଧା ପରିବାର ଓ 16 ଜଣ ପୋଲିସ କର୍ମଚାରୀଙ୍କୁ ଡିଜିପି ଡିସ୍କ ପ୍ରଦାନ କରିଛନ୍ତି । ଶେଷରେ କନ୍ଧମାଳ ଜିଲ୍ଲାର 4 ଜଣ କୋରୋନା ଯୋଧ୍ୟାଙ୍କ ପରିବାର ସମେତ 27 ଜଣ ପୋଲିସ କର୍ମଚାରୀଙ୍କୁ ଡିଜିପି ଡିସ୍କ ପ୍ରଦାନ କରିଛନ୍ତି । ତେବେ ଏହି ଗସ୍ତ ସମୟରେ ଅନେକ ବରିଷ୍ଠ ପୋଲିସ ଅଧିକାରୀ ଡିଜି ଅଭୟଙ୍କ ସହ ଆଲୋଚନାରେ ସାମିଲ ଥିଲେ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
