କଟକ: ସାରା ରାଜ୍ୟରେ ଆତଙ୍କ ରଚାଇଛି ଡେଙ୍ଗୁ । ସମପରିମାଣରେ କଟକ ସହର ମଧ୍ୟରେ ପ୍ରତିଦିନ ବଢ଼ୁଛି ଡେଙ୍ଗୁରୋଗୀଙ୍କ ସଂଖ୍ୟା। କଟକ ବଡ ମେଡିକାଲରେ ଶନିବାର ୬୩ ଜଣ ଡେଙ୍ଗୁରୋଗୀ ଚିକିତ୍ସିତ ହେଉଥିବାବେଳେ ସେଥିରୁ ୫ ଜଣ ଗୁରୁତର ଭାବେ ଆଇସିୟୁରେ ଭର୍ତ୍ତି ହୋଇଛନ୍ତି ।
କଟକ ସହରରେ ବଢ଼ୁଛନ୍ତି ଡେଙ୍ଗୁରୋଗୀ
ଶନିବାର ୧୦୩ ଟି ରକ୍ତନମୁନା ପରୀକ୍ଷା କରାଯାଇଥିବା ବେଳେ ୨୧ ଟି ରକ୍ତନମୁନା ପଜେଟିଭ ବାହାରିଛି । ସେଥିରେ ଅନୁଗୁଳରୁ ଜଣେ, ବାଲେଶ୍ଵରରୁ ୩ ଜଣ, କଟକରୁ ସର୍ବାଧିକ ୪ ଜଣ,ଦେଓଗଡ଼ରୁ ଜଣେ, ଜଗତସିଂହପୁର ରୁ ୨ ଜଣ, ଯାଜପୁର ରୁ ୩ ଜଣ, କେନ୍ଦ୍ରାପଡା ଓ ଖୋର୍ଦ୍ଧାରୁ ଜଣେ ଜଣେ ହୋଇଥିବାବେଳେ ରାୟଗଡା ଓ ସୁନ୍ଦରଗଡରୁ ୨ ଜଣଙ୍କର ରକ୍ତନମୁନା ପଜେଟିଭ ବାହାରିଛି।
ସେହିପରି କଟକ ସହରରୁ ଯେଉଁ ୪ ଟି ରକ୍ତନମୁନା ପଜେଟିଭ ବାହାରିଛି ସେମାନଙ୍କ ଘର ହେଉଛି ଦରଘାଵଜ଼ାର, ଓଡ଼ିଆବଜ଼ାର, କୁମ୍ଭରସାହି ଓ ହାତୀପୋଖରୀ ଅଞ୍ଚଳ।
କଟକରୁ ନାରାୟଣ ସାହୁ, ଇଟିଭି ଭାରତ
