କଟକ: ଝାରପଡ଼ା ଜେଲରେ ମାନସିକ ନିର୍ଯାତନା ଦେଉଥିବା ବିଚାରାଧୀନ କଏଦୀଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିବା ଅଭିଯୋଗ । ଏପରି ଅଭିଯୋଗ ଆଣିଛନ୍ତି ମୃତ ବ୍ୟକ୍ତିଙ୍କ ପରିବାର ଲୋକେ । ମୃତକ ସନିଆ ମହାପାତ୍ର ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଞ୍ଚଳରେ ନାବାଳିକା ଦୁଷ୍କର୍ମ ମାମଲାରେ ଗିରଫ ହୋଇ ଫେବୃଆରୀ ୨୦୨୦ ମସିହା ଠାରୁ ଝାରପଡ଼ା ଜେଲରେ ଥିଲା ।
ହେଲେ ଗତ ଏକ ମାସ ତଳେ ହଠାତ୍ ସେ ଅସୁସ୍ଥ ହେବାରୁ ପ୍ରଥମେ ଭୁବନେଶ୍ୱର କ୍ୟାପିଟାଲ ହସ୍ପିଟାଲ ପରେ ଗୁରୁତର ହେବାରୁ କଟକ ବଡ ମେଡ଼ିକାଲରେ ଭର୍ତ୍ତି କରାଯାଇଥିଲା । କିନ୍ତୁ ଗିରଫ ହେବା ସମୟରେ ସୁସ୍ଥ ରହିଥିବାବେଳେ ଜେଲରେ ତାକୁ ରାଜନୈତିକ ଚାପ ପକାଯାଇ ମାନସିକ ନିର୍ଯାତନା ଦେବାରୁ ମୃତ୍ୟୁ ଘଟିଥିବା ପରିବାର ଲୋକେ ଅଭିଯୋଗ କରିଛନ୍ତି ।
ତେବେ ଜମିବାଡି ବିବାଦକୁ ନେଇ ମିଛ ଦୁଷ୍କର୍ମ ମାମଲାରେ ଫସାଇ ଦିଆଯାଇଥିବା ମୃତକଙ୍କ ଭାଇ ଅଭିଯୋଗ କରିଛନ୍ତି । ମାନସିକ ନିର୍ଯାତନା ଦେବା ସହ ଅସୁସ୍ଥତା ନେଇ ଜେଲ କର୍ତ୍ତୃପକ୍ଷ ପରିବାର ଲୋକଙ୍କ ଜଣାଇ ନଥିବା କହିଛନ୍ତି । ମାମଲାର ସଠିକ ତଦନ୍ତ କରାଯାଇ ନ୍ୟାୟ ଦେବାକୁ ଦାବି କରିଛନ୍ତି ମୃତକଙ୍କ ଭାଇ । ଅନ୍ୟପଟେ ଜେଲ କର୍ତ୍ତୃପକ୍ଷ କିମ୍ବା ପୋଲିସ ଅଧିକାରୀଙ୍କ ପକ୍ଷରୁ କୌଣସି ପ୍ରତିକ୍ରିୟା ମିଳିପାରି ନାହିଁ ।
ଇଟିଭି ଭାରତ, କଟକ
