କଟକ: ଆଜି(ଶୁକ୍ରବାର) ଠାରୁ କଟକରେ ଲାଗୁ ହେବ ନାଇଟ କର୍ଫ୍ୟୁ । ରାତ୍ରି 9ଟା ରୁ ସହରରେ କଟକ କମିଶନରେଟ ପୋଲିସ ପକ୍ଷରୁ ନାଇଟ କର୍ଫ୍ୟୁକୁ କଡାକଡି ଭାବେ ପାଳନ କରାଯିବ । କୋଭିଡ ସଂକ୍ରମଣ ଓ ଓମିକ୍ରନ୍ର ଭୟାବହତାକୁ ଦୃଷ୍ଟିରେ ରଖି କଡାକଡି କରାଯାଇଛି ନାଇଟ୍ କର୍ଫ୍ୟୁ ।
ନାଇଟ କର୍ଫ୍ୟୁ ପାଇଁ ରାତି 9ଟାରୁ ଭୋର 5ଟା ଯାଏଁ ଲାଗୁ ହେବ କଟକଣା । 9 ଟା ପୂର୍ବରୁ ଦୋକାନ ବଜାର ବନ୍ଦ କରିବା ପାଇଁ ପୋଲିସ ପକ୍ଷରୁ ବଜାର କମିଟିଗୁଡିକ ସହ ଆଲୋଚନା ହୋଇ ଥିବାବେଳେ ପୋଲିସ PCR ଦ୍ଵାରା ମଧ୍ୟ ସଚେତନ କରାଯିବ । କଟକ ସହରରେ ବିଭିନ୍ନ ସ୍ଥାନରେ ଚେକ ପୋଷ୍ଟ ସହ ଅଧିକ ପୋଲିସ ମୁତୟନ ରହିବେ । ସେହିପରି ସହରର ବିଭିନ୍ନ ସ୍ଥାନରେ ମଧ୍ୟ ପୋଲିସ ପକ୍ଷରୁ କଡାକଡି ଯାଞ୍ଚ ସହ ରାତ୍ରି 9 ଟା ପରେ ଯାତାୟତ ନକରିବା ପାଇଁ ଲୋକଙ୍କୁ ଅପିଲ କରିଛି ପୋଲିସ ।
ପୂର୍ବରୁ ଜନସାଧାରଣ ନାଇଟ କର୍ଫ୍ୟୁ ଜାରି ସମୟରେ ପୋଲିସକୁ ଯେପରି ସହଯୋଗ କରିଥିଲେ ଏଥର ମଧ୍ୟ ନାଇଟ କର୍ଫ୍ୟୁରେ ଲୋକେ ସହଯୋଗ କରିବେ ବୋଲି ଆଶା କରିଛନ୍ତି କଟକ ଡ଼ିସିପି ।
କଟକରୁ ନାରାୟଣ ସାହୁ, ଇଟିଭି ଭାରତ
