କଟକ: ବନସ୍ତେ ଡାକିଲା ଗଜ... ବରଷକେ ଥରେ ଆସିଛି ରଜ... । ବର୍ଷକର ଅପେକ୍ଷା ପରେ ପୁଣି ଫେରିଛି ରଜ ମଉଜ । ପୋଡପିଠା, ପାନରେ ମହକୁଛି ପରିବେଶ । ଯାହାକୁ ନେଇ ଉତ୍ସବମୁଖର ହୋଇଉଠିଛି ସିଲଭର ସିଟି । କୁଆଁରୀ ଝିଅ ମାନେ ଗୀତ ଗାଇ, ଦୋଳି ଖେଳି ବେଶ୍ ଧୁମଧାମରେ ପାଳିଛନ୍ତି ପହିଲି ରଜ ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
କଟକର ଗୋଟିଏ କିମ୍ବା ଦୁଇଟି ସ୍ଥାନ ନୁହେଁ ବିଭିନ୍ନ ସ୍ଥାନରେ ବେଶ ଆନନ୍ଦ ଉଲ୍ଲାସରେ ଚାଲିଛି ରଜ ମଉଜ । ଆଉ ଏହି ମଉଜରେ ନିଜକୁ ସାମିଲ କରିଛନ୍ତି ଚୌଦ୍ବାରର ପୂର୍ବତନ ବିଧାୟକ ପ୍ରଭାତ ବିଶ୍ବାଳ । ରଜ ପାଳିବା ଦ୍ବାରା ଭାଇଚାରା ବେଶ୍ ମଜବୁତ ହୋଇ ପାରିବ ବୋଲି ସେ ମତବ୍ୟକ୍ତ କରିଛନ୍ତି ।
ତେବେ ଗୋଟିଏ ବର୍ଷ ଅପେକ୍ଷା ପରେ ଆସିଛି ରଜ । ଯାହା ସମସ୍ତଙ୍କ ମନରେ ଆଣିଦେଇଛି ଉତ୍ସାହ ଓ ଉଦ୍ଦିପନା । ତେବେ ଚଳିତ ବର୍ଷ ଫନି ବାତ୍ୟାର ତାଣ୍ଡବ ସ୍ବତ୍ତେ ଫିକା ପଡିନି ରଜ ମଉଜ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
