କଟକ: ବିଶ୍ବ ସ୍ତରୀୟ ହେବ ଏସସିବି ମେଡିକାଲ । ଆରମ୍ଭ ହୋଇଗଲାଣି କାମ । ଫେବୃଆରୀ 28 ସୁଧା ସରିବ ଜମି ଅଧିଗ୍ରହଣ କାମ । ଏନେଇ ରାଜ୍ୟ ସରକାରଙ୍କ ପକ୍ଷରୁ ଆସି ସାରିଛି ନିର୍ଦ୍ଦେଶ। ତେବେ ଆରମ୍ଭ ହୋଇଛି ଉଛେଦ ପ୍ରକ୍ରିୟା । କିନ୍ତୁ ଏହାରି ଭିତରେ ମେଡିକାଲ ନିକଟରେ ରହୁଥିବା ବେହେରା କଲୋନୀକୁ ମାଡି ଆସୁଛି ବିପଦ ବାଦଲ ।
କାରଣ ସରକାରୀ କ୍ବାର୍ଟରରେ ରହୁଛନ୍ତି ଅନେକ ପରିବାର । ଯେଉଁ ମାନେ ଏସିବିରେ ଅସ୍ଥାୟୀ ଭାବେ କାର୍ଯ୍ୟ କରୁଛନ୍ତି । ତେବେ ଏହି ସରକାରୀ କ୍ବାର୍ଟରର ଉଛେଦ ପ୍ରକ୍ରିୟା ଆରମ୍ଭ ହେଲା ଦିନଠୁ କଲୋନୀ ବାସୀଙ୍କ ମନରେ ଏକ ପ୍ରକାର ଭୟ ଦୃଶ୍ୟ ମାନ ହେଉଛି । କେଉଁ ମୁହୂର୍ତ୍ତ ରେ ଘର ଭାଙ୍ଗିବ ତାହା ମଧ୍ୟ କହିହେବ ନାହିଁ । କାରଣ ଫେବୃଆରୀ 28 ସୁଧା ଜମି ଅଧିଗ୍ରହଣ କାର୍ଯ୍ୟ ଶେଷ ହେବ । ଆଉ ଏସିବିକୁ ନୂଆ ରୂପରେ ଗଢ଼ି ତୋଳିବାକୁ ଅଣ୍ଟା ଭିଡି ସାରିଛନ୍ତି ରାଜ୍ୟ ସରକାର ।
ତେବେ କଲୋନୀ ବାସୀଙ୍କ ଦୁଃଖ କହିଲେ ନସରେ । ପିଲାଙ୍କ ମାଟ୍ରିକ ପରୀକ୍ଷା, ଯଦି ପିଲା ଫେଲ ହୁଏ ତେବେ ଏଥି ପ୍ରତି କିଏ ଦାୟୀ ରହିବ ବୋଲି ପ୍ରଶ୍ନ କରିଛନ୍ତି ବାସୀନ୍ଦା। ତେବେ ପିଲାଙ୍କ ଭବିଷ୍ୟକୁ ଚାହିଁ ଥଇଥାନ ବାବଦ ଗୋଟିଏ ଘର ଆଉ ଭାଙ୍ଗିବା ପୂର୍ବରୁ କିଛି ସମୟ ଦେବା ପାଇଁ ଦାବି କରିଛନ୍ତି କଲୋନୀ ବାସିନ୍ଦା ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
