କଟକ: କେନ୍ଦ୍ରାପଡା ସାଂସଦ ଅନୁଭବ ମହାନ୍ତିଙ୍କ ସୋସିଆଲରେ ନିଜସ୍ବ ବ୍ୟକ୍ତିଗତ ଭିଡିଓ ଭାଇରାଲ ପରେ ପ୍ରତିକିୟା ରଖିଲେ କଟକ ଜିଲା ବିଜେଡି ସଭାପତି ତଥା ପୁର୍ବତନ ବିଧାୟକ ଦେବାଶିଷ ସାମନ୍ତରାୟ । ଦେବାଶିଷ କହିଛନ୍ତି ମୁଁ ସେହି ଭିଡିଓ କୁ ଦେଖିଛି। ସେ ତାଙ୍କ ମନର କଥା ବିସ୍ତୃତ ଭାବରେ କହିଛନ୍ତି। ସେ କରିଥିବା ଅପିଲରେ କେନ୍ଦ୍ରାପଡାର ସାଂସଦ ହିସାବରେ ଜିଲାବାସୀଙ୍କୁ ନୈତିକ ବାର୍ତ୍ତା ଦେବାର ଆବଶ୍ୟକତା ଥିଲା । ରାଜନୈତିକ ଦୃଷ୍ଟି କୋଣରୁ କେନ୍ଦ୍ରାପଡା ଜିଲାର ରହିଛି ବେଶ ଗୁରୁତ୍ବ। ଲୋକେ ତାଙ୍କ ଉପରେ ଭରସା ଓ ବିଶ୍ବାସ ରଖି ତାଙ୍କୁ ବିଜୟୀ କରିଛନ୍ତି। ତାଙ୍କୁ ପରୋକ୍ଷରେ ଦଳ ଯେଉଁ ଅଣଦେଖା କରିବା କଥା ଉଠୁଛି ତାହା ସମ୍ପୂର୍ଣ୍ଣ ଭିତ୍ତିହୀନ। ଏହାସହ ଷ୍ଟାର ପ୍ରଚାରକ ତାଲିକାରେ ତାଙ୍କ ନାଁ ନ ରହିବ ଦିଗରେ ପ୍ରତିକ୍ରିୟା ରଖିଛନ୍ତି ଦେବାଶିଷ।
ସାଂସଦ ଅନୁଭବ ମହାନ୍ତିଙ୍କୁ ଦଳ ଅଣଦେଖା କରିବା ଅଭିଯୋଗ ଭିତ୍ତିହୀନ: ଦେବାଶିଷ ସାମନ୍ତରାୟ
