କଟକ: କମିଶନରେଟ ପୋଲିସ ପଞ୍ଝାରେ ହାଇଦରର ସହଯୋଗୀ । କୁଖ୍ୟାତ ଗ୍ୟାଙ୍ଗଷ୍ଟାର ହାଇଦରର ସହଯୋଗୀ ସଂଖ୍ୟା ଲମ୍ବିଛି । ହାଇଦରର 7 ଜଣ ସହଯୋଗୀଙ୍କୁ ଗିରଫ କରି କୋର୍ଟ ଚାଲାଣ କରିଛି କମିଶନରେଟ ପୋଲିସ ।
କୁଖ୍ୟାତ ଗ୍ୟାଙ୍ଗଷ୍ଟାର ହାଇଦର ଗିରଫ ପରେ ତାର ସମସ୍ତ ସହଯୋଗୀଙ୍କୁ ଖୋଳତାଡ ଆରମ୍ଭ କରିଛି ପୋଲିସ । ପୂର୍ବରୁ 4 ଜଣ ଗିରଫ ହୋଇଥିଲା ବେଳେ ଶନିବାର ଆଉ 3 ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି କମିଶନରେଟ ପୋଲିସ । ତେବେ ଏହି 3 ଜଣଙ୍କ ମଧ୍ୟରେ ସେକ ରଇସୁଦୀନ ,ଶେଖ ଇମ୍ରାନ ଓ ବାଲେଶ୍ଵର ଭୋଗରାଇ ଅଞ୍ଚଳର ଅର୍ଚ୍ଚନା ପରିଡା ଓରଫ ଗେଲ୍ଲୀ। ତେବେ ଏହି ଗେଲ୍ଲୀ କଣ ହାଇଦରର ପ୍ରେମିକା ? ତାହାକୁ ନେଇ ଏବେ ଜୋରଦାର ଚର୍ଚ୍ଚା ଜାରି ରହିଛି। ତେବେ ଏହି ସହଯୋଗୀମାନେ ହାଇଦର ସହ ଫୋନ କଲରେ ଜଡିତ ରହୁଥିଲେ । ଏହାପରେ ଆହୁରି ତଦନ୍ତ ମଧ୍ୟ ଜାରି ରହିଛି । କାରଣ ହାଇଦର ଏପରି ଏକ ଗ୍ୟାଙ୍ଗଷ୍ଟାର ଯାହାର ଆଦି ଅନ୍ତ ପାଇବା କଷ୍ଟ।
ତେବେ କମିଶନରେଟ ପୋଲିସର ରାଡାରରେ 7 ହାଇଦର ସହଯୋଗୀ ଗିରଫ ହୋଇଛନ୍ତି । ଆଗାମୀ ଦିନରେ ମଧ୍ୟ ଆହୁରି ସହଯୋଗୀଙ୍କ ଚେହେରା ସମ୍ନାକୁ ଆସିବ ସ୍ପଷ୍ଟ କରିଛନ୍ତି କଟକ ଡିସିପି ପ୍ରତୀକ ସିଂ।
କଟକରୁ ପ୍ରଭୁକଲ୍ୟାଣ ପାଲ,ଇଟିଭି ଭାରତ
