କଟକ: କେବଳ କଟକ ସହର ଭିତରେ ଯେ ଡ୍ରେନେଜ ସମସ୍ୟା ତାହା ନୁହେଁ, ବରଂ ସିଡ଼ିଏ ଅଞ୍ଚଳରେ ବି ସମାନ ଅବସ୍ଥା । ରାସ୍ତା ଉପରେ ଆଣ୍ଠୁଏ ଉଚ୍ଚତାର ପାଣି ଲହଡି ଖେଳୁଛି । ଆଉ ଏଥିରେ ହନ୍ତସନ୍ତ ହେଉଛନ୍ତି ସିଡ଼ିଏ ଅଞ୍ଚଳ ବାସିନ୍ଦା ।
ସିଡ଼ିଏ ଅଞ୍ଚଳରେ ଆଣ୍ଠୁଏ ପାଣି, କଟକ-ବାରବାଟୀ ବିଧାୟକଙ୍କ ସ୍ଥିତି ଅନୁଧ୍ୟାନ
ଏହି ସମସ୍ୟା ଏବେକାର ନୁହେଁ ବରଂ ଦୀର୍ଘ ଦିନ ଧରି ଏହି ସମସ୍ୟାରେ ଘାଣ୍ଟି ହେଉଛନ୍ତି ସ୍ଥାନୀୟ ବାସିନ୍ଦା । ତେବେ ଏହି ସମସ୍ୟାର ସମାଧାନ ପାଇଁ ଆଜି(ସୋମବାର) ସିଡ଼ିଏ ଅଞ୍ଚଳକୁ ଯାଇ ସ୍ଥିତିର ଅନୁଧ୍ୟାନ କରିଛନ୍ତି କଟକ ବାରବାଟୀ ବିଧାୟକ । ବିଭାଗୀୟ ଯନ୍ତ୍ରୀ, ଅଧିକାରୀ ମାନଙ୍କ ସହ ବୁଲି ସମସ୍ୟାର ସ୍ଥାୟୀ ସମାଧାନ ପାଇଁ ପଦକ୍ଷେପ ନେଇଛନ୍ତି ବିଧାୟକ । ମେକାନିଜିମ ବ୍ୟବହାର କରି ସମାଧାନ କରାଯିବ ବୋଲି ବିଧାୟକ କହିଛନ୍ତି। ତେବେ ଏନେଇ ଗୁରୁତ୍ବପୂର୍ଣ୍ଣ ବୈଠକ ଡାକିବେ ବୋଲି ବିଧାୟକ କହିଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
