କଟକ : SCB କୋଭିଡ ମେଡିକାଲରେ ପୁଣି ଅଘଟଣ । ୪ ମହଲାରୁ ଡେଇଁ କୋଭିଡ ରୋଗୀଙ୍କ ଆତ୍ମହତ୍ୟା । ଏପର୍ଯ୍ୟନ୍ତ ଆତ୍ମହତ୍ୟାର କାରଣ ଜଣାପଡି ନ ଥିବା ବେଳେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ମୃତକ ଜଣକ ହେଉଛନ୍ତି ହରିଆ ସିଂ ।
ସୂଚନା ଅନୁସାରେ, ଗତ ବୁଧବାର ଦିନ SCBରେ ଭର୍ତ୍ତି ହେଇଥିଲେ ହରିଆ ସିଂ । ତାଙ୍କ ଘର ମୟୂରଭଞ୍ଜରେ ବୋଲି ସୂଚନା ମିଳିଛି । ତେବେ ଆଜି ସକାଳୁ 4 ମହଲା କୋଭିଡ ହସ୍ପିଟାଲରୁ ଡେଇଁ ଆତ୍ମହତ୍ୟା କରିଛନ୍ତି ହରିଆ । ତେବେ ଘଟଣାସ୍ଥଳରୁ ତାଙ୍କୁ ଉଦ୍ଧାର କରାଯାଇ କାଜୁଆଲଟିରେ ଭର୍ତ୍ତି କରାଯାଇଥିଲା । କିନ୍ତୁ ସେଠାରେ ତାଙ୍କୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ସେହିପରି ଗତ ମଙ୍ଗଳବାର ବିଳମ୍ବିତ ରାତିରେ କଟକ ବଡ଼ ମେଡିକାଲ କୋଭିଡ ଓ୍ବାର୍ଡରେ ଜଣେ ରୋଗୀଙ୍କ ମୃତ୍ୟୁ ହୋଇଥିଲା । ପାଇଖାନା ଯାଇଥିବା ବେଳେ ତାଙ୍କର ମୃତ୍ୟୁ ଘଟିଥିଲା । ମୃତକ ହେଉଛନ୍ତି ପରମହଂସ ପଞ୍ଚାୟତ ରାଜହଂସ ଗାଁର ଦ୍ରୁବଚରଣ ବେହେରା । ଗୋଟିଏ ଦିନ ପୂର୍ବରୁ SCB କୋଭିଡ ଓ୍ବାର୍ଡରେ ସେ ଭର୍ତ୍ତି ହୋଇଥିଲେ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
