କଟକ: କୋରୋନା କାୟାରେ ଏବେ ଶିଶୁ । ରାଜ୍ୟରେ ଏବେ ଏକାଧିକ ଶିଶୁ କୋରୋନାର ପଞ୍ଝା ମଧ୍ୟକୁ ଆସିଛନ୍ତି । ଯାହାକୁ ନେଇ ଚିନ୍ତା ମଧ୍ୟ ବଢୁଛି । ଇତିମଧ୍ୟରେ କଟକ ଏସସିବିରେ ଆଉ ଜଣେ ଶିଶୁ କୋରୋନା ସନ୍ଦିଗ୍ଦ ଥିବା ଜଣାପଡିଛି ।
ଶିଶୁଟିର ସ୍ବାବ ପରୀକ୍ଷା ପାଇଁ ପଠାଯାଇଛି । ସ୍ବାବ ରିପୋର୍ଟ ଆସିବା ପରେ ଆରମ୍ଭ ହେବ ସମସ୍ତ ଚିକିତ୍ସା ବୋଲି ମେଡିକାଲ ପକ୍ଷରୁ ସ୍ପଷ୍ଟ ହୋଇଛି । ଏହାଛଡା ଶିଶୁଭବନରେ ଖୋଲାଯାଇଛି ଏକ ସ୍ଵତନ୍ତ୍ର ଫିଭର କ୍ଲିନିକ । ଯେଉଁଥିରେ କୌଣସି ଶିଶୁ ଯଦି ଜ୍ଵର, କାଶ, ଥଣ୍ଡା ଛିଙ୍କ ଆଦି ସମସ୍ୟା ରହିଥିବ ସେଠାରେ ତାହାର ଉପଚାର କରାଯାଉଛି ।
ଯଦି କାହାର ବି ସ୍ୱାବ ଟେଷ୍ଟର ଆବଶ୍ୟକତା ପଡୁଛି ତାକୁ ସଙ୍ଗେ ସଙ୍ଗେ ଏସସିବିକୁ ସ୍ଥାନାନ୍ତରିତ କରାଯାଉଛି ବୋଲି ସ୍ପଷ୍ଟ କରିଛନ୍ତି ଶିଶୁ ଭବନ ଅଧିକ୍ଷକ ସରୋଜ ଶତପଥି । ତେବେ ବର୍ତ୍ତମାନ ସୁଦ୍ଧା 40ରୁ ଊର୍ଦ୍ଧ୍ଵ ଶିଶୁଙ୍କ ସ୍ୱାବ ଟେଷ୍ଟ ଏସସିବିରେ ହୋଇଥିବା ବେଳେ ସେମାନଙ୍କ ରିପୋର୍ଟ ନେଗେଟିଭ ଆସିଛି ବୋଲି ମେଡିକାଲ ପକ୍ଷରୁ ପ୍ରକାଶ ପାଇଛି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
