କଟକ: ମମିତା ମେହେର ମୃତ୍ୟୁ ଘଟଣାକୁ ନେଇ ଗତକାଲି ମମିତାଙ୍କ ପରିବାର ତରଫରୁ ଏକ ଭିଡିଓ ଜାରି ହୋଇଥିଲା । ଯେଉଁଥିରେ କି ମମିତାଙ୍କ ବାପା ମୋ ଝିଅକୁ ନେଇ ରାଜନୀତି ନ କରିବାକୁ ନିବେଦନ କରିଥିଲେ । ଏଥି ସହ ତଦନ୍ତ ପ୍ରକ୍ରିୟା ନେଇ ସେ ସନ୍ତୁଷ୍ଟ ଥିବା ସହ ମୁଖ୍ୟମନ୍ତ୍ରୀ ନ୍ୟାୟ ଦେବେ ବୋଲି କହିଥିଲେ ମମିତାଙ୍କ ବାପା । ତେବେ ଏହାକୁ ତୀବ୍ର ସମାଲୋଚନା କରିଛନ୍ତି କଟକ ବାରବାଟୀ ବିଧାୟକ ଇଂ ମହମ୍ମଦ ମୋକିମ ।
ମମିତା ହତ୍ୟା ମାମଲା, ନ୍ୟାୟ ପାଇଁ ଆନ୍ଦୋଳନ ଜାରି ରଖିବ କଂଗ୍ରେସ: ମୋକିମ
ସେ କହିଛନ୍ତି ଯେ ରାଜ୍ୟ ସରକାର ମମିତାଙ୍କ ପରିବାରକୁ ପ୍ରଲୋଭିତ କରିଛନ୍ତି । ଯାହାଫଳରେ ମମିତାଙ୍କ ପରିବାର ଲୋକ ଏବେ ସରକାରଙ୍କ ସପକ୍ଷରେ ମତ ଦେଉଛନ୍ତି । ତେବେ ଯେତେ ପ୍ରଲୋଭିତ ହେଲେ ବି ମମିତାଙ୍କୁ ନ୍ୟାୟ ପାଇଁ କଂଗ୍ରେସ ଆନ୍ଦୋଳନ ଜାରି ରଖିବ । ସରକାରଙ୍କ ପତନ ସମୟ ଆସିଗଲା ଏବଂ ସାଧାରଣ ଲୋକ ଏହାର ଉଚିତ ଜବାବ ଦେବେ ବୋଲି ମୋକିମ କହିଛନ୍ତି । କଂଗ୍ରେସ ମମିତାଙ୍କୁ ନ୍ୟାୟ ଦେବା ପାଇଁ ଉଦ୍ୟମ ଜାରି ରଖିବ ବୋଲି କହିଛନ୍ତି ବାରବାଟୀ ବିଧାୟକ ଇଂ ମହମ୍ମଦ ମୋକିମ । ।
କଟକରୁ ନାରାୟଣ ସାହୁ, ଇଟିଭି ଭାରତ
