କଟକ: ବଢ଼ିଲା କଂଗ୍ରେସ କନ୍ଦଳ। ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ବିଶୃଙ୍ଖଳିତ କାର୍ଯ୍ୟକ୍ରମ ସମ୍ପର୍କରେ ଫେରାଦ ହେଲେ ଦଳର ପୂର୍ବତନ ମୁଖପାତ୍ର ତଥା ବରିଷ୍ଠ ନେତା ନିକୁଞ୍ଜ ପଶାୟତ । PCCର ଶୃଙ୍ଖଳା କମିଟିର ଅଧ୍ୟକ୍ଷ କିଶୋର ଚନ୍ଦ୍ର ପଟେଲଙ୍କୁ ଏ ନେଇ ସେ ଚିଠି ଲେଖିଥିବା ଜଣାପଡ଼ିଛି ।
ରାଜ୍ୟରେ କଂଗ୍ରେସର ସ୍ଥିତି ଦିନକୁ ଦିନ ଦୁର୍ବଳ ଓ ନଗଣ୍ୟ ଅବସ୍ଥାକୁ ଗଲାଣି । ଯାହାକୁ ନେଇ ପ୍ରତ୍ୟେକ ଦିନ କଂଗ୍ରେସ କର୍ମୀ ଓ ନେତା ନିରାଶ ହୋଇ ଦଳ ଛାଡି ଅନ୍ୟ ଦଳରେ ମିଶୁଛନ୍ତି । ଏହା ଦଳକୁ ଆହୁରି ସଙ୍ଗୀନ କରିଛି । ଏହି ସମୟରେ ପିସିସି ସଭାପତି ନିରଞ୍ଜନ ପଟ୍ଟନାୟକ ଦଳରେ ସମ୍ମନ୍ବୟ ନ ରଖିପାରୁଥିବାରୁ କର୍ମୀମାନେ ନିରାଶ ହୋଇଛନ୍ତି ।
ତେବେ ଯଦି ଏହି ଦିଗରେ ପିସିସି ଶୃଙ୍ଖଳା କମିଟି କିଛି କାର୍ଯ୍ୟାନୁଷ୍ଠାନ ଗ୍ରହଣ ନ କରେ ବାଧ୍ୟ ହୋଇ ଏଆଇସିସି(AICC) ସଭାପତିଙ୍କୁ ଭେଟି ଅଭିଯୋଗ କରାଯିବ ବୋଲି କହିଛନ୍ତି ନିକୁଞ୍ଜ ।
PCC ସଭାପତି ନିରଞ୍ଜନଙ୍କ ବିରୋଧରେ ବିଶୃଙ୍ଖଳା ଅଭିଯୋଗ
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
