କଟକ: ଆସନ୍ତା କାଳୀ ପୂଜା ପାଇଁ କମିଶନରେଟ ପୋଲିସ ସମନ୍ବୟ ବୈଠକ ଡାକି ସହରର ସମସ୍ତ ପୂଜା କମିଟି ସଦସ୍ୟଙ୍କ ସହ ଆଲୋଚନା କରିଛି । ବିଭନ୍ନ ପୂଜା କମିଟି ଓ ଶାନ୍ତି କମିଟି ସଦସ୍ୟ ଏହି ବୈଠକରେ ସାମିଲ ହୋଇ କୋଭିଡ କଟକଣା ମଧ୍ୟରେ ସୁରୁଖୁରୁରେ ପୂଜା ଶେଷ ହେବା ନେଇ ବିଭିନ୍ନ ଦିଗ ଉପରେ ଆଲୋଚନା କରିଛନ୍ତି ।
ଆସନ୍ତା ମାସ 4 ତାରିଖରେ କଟକରେ 65ରୁ 70 ମଣ୍ଡପରେ ମା’ଙ୍କ ପୂଜା ଅନୁଷ୍ଠିତ ହେବ । ଯେହେତୁ ପରମ୍ପରା ମୁତାବକ ମା’ଙ୍କ ପୂଜା ମଧ୍ୟରାତ୍ରୀରେ ହେବା ନେଇ ବିଧି ରହିଛି, ତେଣୁ ପରଦା ନ ପକାଇବା ପାଇଁ ପ୍ରଶାସନକୁ କମିଟି ସଦସ୍ୟମାନେ ଅନୁରୋଧ କରିଛନ୍ତି । ସମ୍ପୂର୍ଣ୍ଣ କୋଭିଡ ଗାଇଡ଼ଲାଇନ ଅନୁପାଳନପୂର୍ବକ ପୂଜା ଶେଷ ହେବ। ଏହାସହ ସେହିଦିନ ଦୀପାବଳି ପର୍ବ ରହୁଥିବାରୁ ବାଣ ନ ଫୁଟାଇବା ପାଇଁ ମଧ୍ୟ ବୈଠକରେ ସହମତି ପ୍ରକାଶ ପାଇଛି । ତେବେ ପୂଜାର ଗୋଟିଏ ଦିନ ପରେ ଅର୍ଥାତ 6 ତାରିଖରେ ନିର୍ଦ୍ଦିଷ୍ଟ 6ଟି ଅସ୍ଥାୟୀ ପୋଖରୀରେ ମା’ଙ୍କ ମୂର୍ତ୍ତି ବିସର୍ଜନ ନିରାଡମ୍ବର ଭାବେ ସାରିବା ପାଇଁ ନିଷ୍ପତ୍ତି ହୋଇଛି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
