କଟକ: କୋରୋନା ସଂକ୍ରମଣ ବୃଦ୍ଧି ପାଉଥିବାରୁ ଏପ୍ରିଲ ମାସ ପାଇଁ କଟକଣା ଜାରି କରିଛି କଟକ ମହାନଗର ନିଗମ । ବିଭିନ୍ନ ସମାବେଶ ସମେତ ବିବାହ ଏବଂ ଏକାଦଶ କାର୍ଯ୍ୟ ପାଇଁ କଟକଣା ଜାରି କରାଯାଇଛି ।
ଏଣିକି ବିବାହ ଉତ୍ସବରେ ଶହେରୁ ଅଧିକ ଲୋକ ସାମିଲ ହୋଇପାରିବେ ନାହିଁ । ପୂର୍ବରୁ ବିବାହ ପାଇଁ ୨ ଶହ ଲୋକଙ୍କ ପାଇଁ ଅନୁମତି ଦିଆଯାଇ ଥିବାବେଳେ ଏବେ ଏହାକୁ ଶହେକୁ ହ୍ରାସ କରିଛି କଟକ ମହାନଗର ନିଗମ । ସେହିପରି ମୃତ୍ୟୁ କିମ୍ବା ଏକାଦଶ କାର୍ଯ୍ୟରେ ୫୦ ଜଣ ଲୋକଙ୍କ ସମାବେଶ ପାଇଁ ଅନୁମତି ମିଳିଛି। ପୂର୍ବରୁ ଏହି ସଂଖ୍ୟା ୨୦୦ ଥିବାବେଳେ କୋରୋନା ସଂକ୍ରମଣ ବ୍ୟାପିବାରୁ ଏଭଳି ନିଷ୍ପତ୍ତି ନିଆଯାଇଛି । ସମସ୍ତ ପ୍ରକାର ସମାବେଶ ଉପରେ ମଧ୍ୟ କଟକଣା ଜାରି କରାଯାଇଛି । ଏପରିକି ବାର୍ଷିକ ଉତ୍ସଵ ପାଳନ ଉପରେ ମଧ୍ୟ କଟକଣା ଜାରି କରାଯାଇଛି ।
କଟକରୁ ନାରାୟଣ ସାହୁ, ଇଟିଭି ଭାରତ
