କଟକ: CISFରେ ଅନୁଷ୍ଠିତ ହେଲା ୪୪ତମ ବ୍ୟାଚ ପାସିଂ ଆଉଟ ପରେଡ଼ । ମୋଟ ୧୦୫୯ ଜଣ ଯବାନ ଏହି ପ୍ୟାରେଡ଼ରେ ଉପସ୍ଥିତ ଥିଲେ । ବିଭିନ୍ନ ଶିଳ୍ପ ଭିତ୍ତିକ ସୁରକ୍ଷା ଦିଗ ଉପରେ ରଣ କୌଶଳ ଶିକ୍ଷାଲାଭ କରିବା ପରେ ଆଜି(ଶନିବାର) ପାସିଂ ପରେଡ଼ରେ ନିଜର ରଣ କୌଶଳ ପ୍ରଦର୍ଶନ କରିଥିଲେ ଯବାନ । CISFର ଅତିରିକ୍ତ ମହାନିର୍ଦ୍ଦେଶକ ଅରବିନ୍ଦ ଦୀପ ମୁଖ୍ୟ ଅତିଥି ଭାବରେ ଯୋଗଦେଇ ଯବାନଙ୍କ ମନୋବଳ ବୃଦ୍ଧି କରିଥିଲେ ।
ତେବେ ଏହି କ୍ରମରେ ସୁରକ୍ଷା ମନ୍ତ୍ରକୁ ଅଗ୍ରାଧିକାର ଦେଇ କେନ୍ଦ୍ରୀୟ ଶିଳ୍ପ ସୁରକ୍ଷା ବାହିନୀ(CISF) ସମଗ୍ର ଭାରତ ବର୍ଷରେ ଶିଳ୍ପାୟନ ତଥା ଏହାର ଅଭିବୃଦ୍ଧିକୁ ଆଗେଇ ନେବାରେ ସହାୟକ ହୋଇପାରିଛି । ଉତ୍ସବରେ ଅନ୍ୟମାନଙ୍କ ମଧ୍ୟରେ ଭୁବନେଶ୍ୱର କଟକର ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀଙ୍କ ସମେତ ବହୁ ପୋଲିସ ପଦାଧିକାରୀ ଯୋଗ ଦେଇଥିଲେ । ଏହି ଅବସରରେ କୃତୀ ପ୍ରଶିକ୍ଷାର୍ଥୀଙ୍କୁ ମୁଖ୍ୟ ଅତିଥି ପୁରସ୍କାର ପ୍ରଦାନ କରିଥଲେ ଶେଷରେ ଚିତ୍ତାକର୍ଷକ ସମର କଳା ଏବଂ ମନୋରଞ୍ଜନ କାର୍ଯ୍ଯକ୍ରମ ଅନୁଷ୍ଠିତ ହୋଇଥିଲା ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
