କଟକ: ଭୁବନେଶ୍ୱର ଏନକାଉଣ୍ଟରରେ ଗୁରୁତର ଆହତ ହୋଇଥିବା କୁଖ୍ୟାତ ଅପରାଧୀ ଚକରା ବାରିକକୁ କଟକ SCB ମେଡିକାଲରେ ଭର୍ତ୍ତି କରାଯାଇଛି । ଚକରାର ଡାହାଣ ପଟ ଗୋଡ଼ରେ ଗୁଳି ବାଜିଛି । ଚକରା ବାରିକକୁ କାଜୁଆଲଟିରୁ ସର୍ଜରି ୱାର୍ଡକୁ ତାଙ୍କୁ ସ୍ଥାନାନ୍ତର କରାଯାଇଛି ।ସୂଚନା ଅନୁସାରେ, ବୁଧବାର ରାତିରେ ବରମୁଣ୍ଡା ହାଉସିଂ ପଡିଆ(ମେଲଣ ପଡିଆ) ପୋଲିସ ଓ ଅପରାଧି ମଧ୍ୟରେ ଗୁଳିବିନିମୟ ହୋଇଥିଲା ।
ଚକରା ସହ ୬ରୁ ୭ ହାର୍ଡକୋର ଅପରାଧି ଏକାଠି ହୋଇ ଲୁଟ ପ୍ଲାନ ବେଳେ ଚେକମେଟ ଦେଇଥିଲା ପୋଲିସ । ଚକରା ଓ ତାର 6 ସହଯୋଗୀ ବରମୁଣ୍ଡା ହାଇସ୍କୁଲରେ ବଡ଼ ଡକାୟତିର ଯୋଜନା କରୁଥିଲେ । ଖବର ପାଇ ଖଣ୍ଡଗିରି ପୋଲିସ ଓ ସ୍ପେଶାଲ ସ୍କ୍ୱାଡ଼ ସେଠାରେ ପହଞ୍ଚିଥିଲା । ପୋଲିସକୁ ଦେଖି ସେମାନେ ବୋମା ପକାଇବା ସହ ଗୁଳି ଚଳାଇଥିଲେ ।
ପୋଲିସ ପାଲଟା ଗୁଳି ଚଳାଇଥିଲା । ବନ୍ଧୁକ ଗୁଳି ଗୋଳା ଓ ହାତବୋମା ଧରି ବାହାରୁଥିବା ଅପରାଧିର ଡାହାଣ ଗୋଡରେ ବାଜିଥିଲା ଗୁଳି । ଚକରା ବାରିକକୁ ଚିକିତ୍ସା ପାଇଁ କଟକରେ ଭର୍ତ୍ତି କରିଛି ପୋଲିସ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
