କଟକ: ବନ୍ଧକୁ ନେଇ ଦୁଇ ଗ୍ରାମ ମଧ୍ୟରେ ଗୋଷ୍ଠୀ ସଂଘର୍ଷ । ରବିବାର ବଡମ୍ବା ନରସିଂହପୁର ଚାମୁଣ୍ଡାପଲ୍ଲୀ ଅନ୍ତର୍ଗତ ସାଗର ଗାଁ ଓ ପାଞ୍ଚଗୋଚ୍ଛିଆ ଗାଁ ମଧ୍ୟରେ ବନ୍ଧକୁ ନେଇ ଗୋଷ୍ଠୀ ସଂଘର୍ଷ ହୋଇଥିଲା। ଏଥିରେ ଜଣଙ୍କର ମୃତ୍ୟୁ ହୋଇଥିବାବେଳେ ୧୦ ଜଣ ଆହତ ହୋଇଥିବା ସୂଚନା ମିଳିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ସୂଚନା ମୁତାବକ ଦୀର୍ଘଦିନ ଧରି ଉଭୟ ଗାଁ ମଧ୍ୟରେ ବନ୍ଧକୁ ନେଇ ବିବାଦ ଲାଗି ରହିଥିଲା । ଯାହା ଶୁକ୍ରବାର ଉଗ୍ର ରୂପ ନେଇ ଉଭୟ ପକ୍ଷରୁ ଆକ୍ରମଣ ହୋଇଥିଲା ।
ଫଳରେ ଏହି ଘଟଣାରେ 10 ଜଣ ଗୁରୁତର ଆହତ ହୋଇଛନ୍ତି । ମୃତକ ଜଣଙ୍କ ସାଗର ଗ୍ରାମର ଶ୍ରୀଧର ସାମଲ ବୋଲି ଜଣାପଡିଛି ।
ଏପଟେ ପାଞ୍ଚଗୋଚ୍ଛିଆ ଗ୍ରାମର ହରିହର ବେହେରାଙ୍କ ସମେତ 10 ଗୁରୁତର ଆହତ ହୋଇଥିବା ସୂଚନା ମିଳିଛି ।
କଟକରୁ ପ୍ରଭୁ କଲ୍ୟାଣ ପାଲ୍, ଇଟିଭି ଭାରତ
