କଟକ: ମାହାଙ୍ଗା ଡବଲ ମର୍ଡର ଘଟଣାରେ ଗିରଫ ହୋଇଥିବା ସମସ୍ତ ୪ ଜଣ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି । ତେବେ ବୁଧବାର କୋର୍ଟ ଚାଲାଣବେଳେ ହତ୍ୟାକାଣ୍ଡ ନେଇ ପ୍ରତିକ୍ରିୟା ରଖିଥିଲା ମୁଖ୍ୟ ଅଭିଯୁକ୍ତ ପଞ୍ଚାନନ ସେଠୀ । କୁଳମଣି ଓ ତାଙ୍କର ଦୁଇ ପୁଅ ଘରେ ପଶି ମାଡ ମାରିଥିଲେ । ଏବଂ ସେଥିପାଇଁ ସେ ଏହି ହତ୍ୟାକାଣ୍ଡ ଘଟାଇଥିଲା ବୋଲି ଗଣମାଧ୍ୟମକୁ କହିଛି ।
ମୋତେ ବାଡେଇଲା ମୁଁ ମାରିଦେଲି : ଅଭିଯୁକ୍ତ
ସେପଟେ ଏହି ଘଟଣାରେ ପୋଲିସ କୈଳାଶ ଖଟୁଆ ନାମକ ଆଉ ଜଣେ ଅଭିଯୁକ୍ତକୁ ଗିରଫ କରିଥିବାବେଳେ ତାଙ୍କୁ (ଗୁରୁବାର) ଆସନ୍ତାକାଲି କୋର୍ଟ ଚାଲାଣ କରାଯିବ । ଏହାସହ ଫେରାର ଥିବା ଅନ୍ୟ ଅଭିଯୁକ୍ତମାନଙ୍କୁ ଧରିବା ପାଇଁ ଉଦ୍ୟମ ଜାରି ରହିଛି ବୋଲି ପୋଲିସ ପକ୍ଷରୁ କୁହାଯାଇଛି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
