କଟକ: ଯୋଡାମୁଣ୍ଡରୁ ଅଲଗା ହୋଇଥିବା ଜଗାବଳିଆଙ୍କ ମଧ୍ୟରୁ ବଳିଆର ସ୍ବାସ୍ଥାବସ୍ଥା ସଙ୍କଟାପନ୍ନ । ଛାତିରେ ସଂକ୍ରମଣ ଓ ନିମୋନିଆ ଯୋଗୁଁ ତାକୁ ଭେଣ୍ଟିଲେଟରରେ ରଖାଯାଇଛି । ଏପରିକି ତାର ସ୍ବାସ୍ଥ୍ୟାବସ୍ଥାରେ ଉନ୍ନତି ପାଇଁ ଜଗାବଳିଆଙ୍କ ଅପରେସନ କରିଥିବା ଦିଲ୍ଲୀ ଏମ୍ସ ଡାକ୍ତର ମାନଙ୍କ ସହ ଭିଡିଓ କନଫରେନସିଂ ଜରିଆରେ ଆଲୋଚନା କରାଯାଇଛି ।
ଏହା ସହିତ ବଳିଆଙ୍କ ସ୍ଥିତି ସଂପର୍କରେ ଦିଲ୍ଲୀ ଏମ୍ସର ଡାକ୍ତରମାନଙ୍କୁ ଲିଖିତ ଆକାରରେ ଜଣାଇ ଦିଆଯାଇଛି । ବର୍ତ୍ତମାନ ସୁଦ୍ଧା ଏସସିବିର ଡ଼ାକ୍ତରୀ ଟିମ ବଳିଆର ଚିକିତ୍ସା ଜାରି ରଖିଛନ୍ତି ।
ତେବେ ବଳିଆଙ୍କ ସ୍ବାସ୍ଥ୍ୟ ଅବସ୍ଥାରେ ସୁଧାର ଆଣିବା ପାଇଁ ଏମ୍ସ ଡ଼ାକ୍ତରଙ୍କ ନିହାତି ଆଵଶ୍ୟକତା ରହିଛି ବୋଲି ଏସସିବି ଜରୁରୀକାଳୀନ ଅଧକାରୀ ଭୁବନାନନ୍ଦ ମହାରଣା କହିଛନ୍ତି । ବଳିଆର ସ୍ବାସ୍ଥ୍ୟ ଅବସ୍ଥାରେ ଉନ୍ନତି ଆଣିବାକୁ ସମସ୍ତ ଉଦ୍ୟମ ଜାରି ରହିଥିବା ସେ ପ୍ରକାଶ କରିଛନ୍ତି । ବଳିଆ ଖୁବ ଶୀଘ୍ର ସୁସ୍ଥ ହେବା ନେଇ ଆଶା କରାଯାଉଛି ବୋଲି ସେ ସୂଚନା ଦେଇଛନ୍ତି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
