କଟକ: ପ୍ରବାସୀ ଓଡ଼ିଆଙ୍କ ପାଇଁ ଖୁସି ଖବର । କଟକ ଜିଲ୍ଲାର ସମସ୍ତ ପ୍ରବାସୀ ଓଡ଼ିଆଙ୍କୁ କର୍ମ ଯୋଗାଇବ ଜିଲ୍ଲା ପ୍ରଶାସନ । ଏନେଇ ଇଟିଭି ଭାରତକୁ ପ୍ରତିକ୍ରିୟା ଦେଇଛନ୍ତି କଟକ ଜିଲ୍ଲାପାଳ ଭବାନୀ ଶଙ୍କର ଚୟନୀ ।
କଟକର ସମସ୍ତ ପ୍ରବାସୀଙ୍କୁ କାମ ଯୋଗାଇ ଦିଆଯିବ: ଜିଲ୍ଲାପାଳ
କୋରୋନା ପାଇଁ ଅନେକ ଲୋକ ଜୀବିକା ହରାଇଛନ୍ତି । ଏପର୍ଯ୍ୟନ୍ତ କଟକ ଜିଲ୍ଲାର ପ୍ରାୟ ୧୫ ହଜାରରୁ ଅଧିକ ପ୍ରବାସୀ କଟକକୁ ଫେରିଛନ୍ତି । ତେବେ ସେମାନେ ଏବେ କ୍ବାରେଣ୍ଟାଇନରେ ଅଛନ୍ତି । ସମସ୍ତେ ଜୀବିକା ହରାଇ ଥିଲା ବେଳେ ସେମାନଙ୍କୁ ଏନଆରଜିଏସ ମାଧ୍ୟମରେ କର୍ମ ଯୋଗାଇ ଦିଆଯିବ ବୋଲି କଟକ ଜିଲ୍ଲାପାଳ କହିଛନ୍ତି । ଏନେଇ ବ୍ୟାଙ୍କର୍ସ ସହ ଆଲୋଚନା କରାଯାଇଥିବା ଜିଲ୍ଲାପାଳ ସୂଚନା ଦେଇଛନ୍ତି । ସେମାନେ ଓଡ଼ିଶାରେ ରହି ନିଜ ସ୍ଥାନର ବିକାଶ କରିବେ। ଫଳରେ ଅର୍ଥନୀତିର ବିକାଶ ହୋଇପାରିବ ବୋଲି ଜିଲ୍ଲାପାଳ କହିଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
