କଟକ: କଟକରେ ଚାଲିଛି ଜୋରଦାର ଟ୍ରାଫିକ ଚେକିଂ । ଯିଏ ବି ନିୟମ ଭାଙ୍ଗୁଛି ସେ ଗଣୁଛି ତଣ୍ଡ । ହେଲେ ଏହାରି ଭିତରେ ଏମିତି ଏକ ଘଟଣା ସାମ୍ନାକୁ ଆସିଥିଲା ଯାହା ଟ୍ରାଫିକ୍ ପୋଲିସର ମୁଣ୍ଡ ବିନ୍ଧାଇ ଦେଇଥିଲା । ଜଣେ ମହିଳା ହେଲମେଟ ଚେକିଂ ସମୟରେ ଟ୍ରାଫିକ ହାତରେ ଧରାପଡି ଯାଇଥିଲେ । ହେଲେ ସେ ଫାଇନ ନଦେଇ ଓଲଟି ଟ୍ରାଫିକ କର୍ମଚାରୀଙ୍କ ସହ ଯୁକ୍ତିତର୍କ କରିଥିଲେ । ମୁଁ ହେଲମେଟ ପିନ୍ଧିବିନି ମୋର କିଏ କଣ କରିବ ବୋଲି କହି ଘଟଣାସ୍ଥଳରେ ପାଟିତୁଣ୍ଡ ଆରମ୍ଭ କରିଥିଲେ।
ଟ୍ରାଫିକ ପୋଲିସ ଲାଞ୍ଚ ନେବା ପାଇଁ ଏହି ନିୟମ ଆପଣାଇଛନ୍ତି କହିବା ସହ ହେଲମେଟ ପିନ୍ଧିଲେ କଣ ମୃତ୍ୟୁ ହେବନି ବୋଲି ମଧ୍ୟ ପ୍ରଶ୍ନ କରିଥିଲେ। ଯଦି ହେଲମେଟ ପିନ୍ଧ କି ନପିନ୍ଧ ମୃତ୍ୟୁ ଆସିବ । ତେବେ କଣ ପାଇଁ ଏହି ପ୍ରହସନ ବୋଲି ମହିଳା ଜଣଙ୍କ ଅଜବ ଯୁକ୍ତି ମଧ୍ୟ କରିଥିଲେ। ଏଥି ସହିତ ତମର ଖାଲି ଡ୍ୟୁଟି, ଆଉ ଆମର ଡ୍ୟୁଟି ନାହିଁ ବୋଲି କହି ମୋ ଗାଡି ବିକିଦେବି ପଛେ ଫାଇନ୍ ଦେବିନି ବୋଲି କହିଥିବା ଦେଖିବାକୁ ମିଳିଛି।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
