କଟକ: କମିଶନରେଟ ପୋଲିସକୁ ସଫଳତା । କନ୍ଦରପୁର ଥାନା ନିକଟରୁ ଆଜି(ଶନିବାର) ୪୦ ଗ୍ରାମରୁ ଅଧିକ ବ୍ରାଉନସୁଗାର ଜବତ କରିଛି ପୋଲିସ । ଏହି ଘଟଣାରେ ଜଣଙ୍କୁ ଗିରଫ କରାଯାଇଛି ।
ଗିରଫ ହୋଇଥିବା ବ୍ୟକ୍ତି ଜଣକ ହେଉଛନ୍ତି ସେକ ରାଜା । ତା ଘର ବାଲେଶ୍ଵର ଜିଲ୍ଲା ଜଳେଶ୍ବର ଅଞ୍ଚଳର । ସେ ଅନେକ ସମୟରେ ବ୍ରାଉନସୁଗାର ବ୍ୟବସାୟ କରିଥାଏ ବୋଲି କଟକ ଡିସିପି କହିଛନ୍ତି । ବାଲେଶ୍ଵରରୁ ବ୍ରାଉନସୁଗାର ଆଣି କଟକ, ଜଗତସିଂହପୁର, ଭୁବନେଶ୍ୱରରେ ଆଦି ବ୍ୟବସାୟ କରିଥାଏ ।
କଟକରୁ ୪୫ ଲକ୍ଷ ଟଙ୍କାର ବ୍ରାଉନସୁଗାର ଜବତ,ଜଣେ ଗିରଫ
ତେବେ ଆଜି ସେ କନ୍ଦରପୁର ଥାନା ଅଞ୍ଚଳରେ ବ୍ୟବସାୟ କରିବାକୁ ଆସିଥିବାବେଳେ ଖବର ପାଇ ପୋଲିସ ମାଡି ବସିଥିଲା । ଏନେଇ ତା ନିକଟରୁ ୪୦ ଗ୍ରାମରୁ ଅଧିକ ବ୍ରାଉନସୁଗାର ଜବତ କରିଛି ପୋଲିସ । ଯାହାର ଆନୁମାନିକ ମୂଲ୍ୟ ୪୫ ଲକ୍ଷ ଟଙ୍କା ହେବ । ତେବେ ତାହା ସହ ଅନ୍ୟ କେଉଁମାନେ ଏହି ବେପାରରେ ସାମିଲ ଅଛନ୍ତି, ତାହାର ଅଧିକ ତଦନ୍ତ ପାଇଁ ସେକ ରାଜାକୁ ରିମାଣ୍ଡରେ ଅଣାଯିବ ବୋଲି କଟକ ଡିସିପି କହିଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
