କଟକ: ସିଲଭର ସିଟିରେ ବଢୁଛି ଅପରାଧିକ କାର୍ଯ୍ୟ । ଖୁଲମଖୁଲା ଚାଲିଛି ଗଞ୍ଜେଇ ବ୍ୟବସାୟ । କଟକରୁ ପୁଣି 60କେଜିରୁ ଅଧିକ ଗଞ୍ଜେଇ ଜବତ କରିଛି ଫ୍ଲାଇଂ ସ୍କ୍ବାର୍ଡ । ଏହା ସହିତ ଦୁଇ ବେପାରୀଙ୍କୁ କାବୁ କରିଛି ଅବକାରୀ ସ୍କ୍ବାର୍ଡ ।
6ଲକ୍ଷ ଟଙ୍କାର ଗଞ୍ଜେଇ ଜବତ
ସୂଚନାଅନୁସାରେ, ଫୁଲବାଣୀରୁ ଯାଜପୁରକୁ ଏକ ଗାଡିରେ ଗଞ୍ଜେଇ ଚାଲାଣ ହେଉଥିଲା । ମଙ୍ଗୁଳି ଛକ ନିକଟରେ ପୋଲିସ ପାଟ୍ରୋଲିଂ ସମୟରେ ଗାଡିଟିକୁ ଅଟକ ରଖାଯାଇଥିଲା । ଅବକାରୀ ସ୍କ୍ବାର୍ଡ ଗାଡିକୁ ଅଟକାଇବା ସହିତ ସେଥିରୁ 60କେଜିର ଗଞ୍ଜେଇ ଜବତ ହୋଇଛି । ଏହା ସହିତ ଦୁଇଜଣଙ୍କ ଗିରଫ କରାଯାଇଛି । ଗିରଫ ଦୁଇ ବେପାରୀ ହେଲେ ଶିବରାମ ମଲ୍ଲିକ ଏବଂ ରତ୍ନାକର କହ୍ନର ।
ଜବତ ହୋଇଥିବା ଗଞ୍ଜେଇର ମୂଲ୍ୟ ପ୍ରାୟ 6ଲକ୍ଷ ଟଙ୍କାରୁ ଅଧିକ ହେବ ବୋଲି ସ୍ପଷ୍ଟ କରିଛି ଅବକାରୀ ଫ୍ଲାଇଂ ସ୍କ୍ବାର୍ଡ । ଏ ବେପାରରେ ଆଉ କାହାର ହାତ ଅଛି ତାର ତଦନ୍ତ ଜାରି ରଖିଛି ଅବକାରୀ ବିଭାଗ ।
କଟକରୁ ପ୍ରଭୁକଲ୍ୟାଣ ପାଲ,ଇଟିଭି ଭାରତ
