କଟକ: ସିଲଭରସିଟିରେ ବାଇକ ଲୁଟେରାଙ୍କୁ ସାବାଡ଼ କରୁଛି କମିଶନରେଟ ପୋଲିସ । ମଙ୍ଗଳବାର ମଧୁପାଟଣା ଥାନା ଅଞ୍ଚଳରୁ ଏକ ବାଇକ ଲୁଟେରା ଗ୍ୟାଙ୍ଗକୁ ଗିରଫ କରିବାରେ ପୋଲିସ ସଫଳ ହୋଇଛି । ଏହି ଗ୍ୟାଙ୍ଗ ମଧ୍ୟରେ ଜଣେ ସାବାଳକ ରହିଥିବାବେଳେ ଅନ୍ୟ ୨ ନାବାଳକ ଥିବା ଜଣାପଡିଛି ।
କଟକରେ ଧରାପଡିଲେ ୩ ବାଇକ ଲୁଟେରା, ଏକାଧିକ ଲୁଟ ବାଇକ ଜବତ
ପୋଲିସ ପକ୍ଷରୁ ମିଳିଥିବା ସୂଚନା ଅନୁସାରେ, ଏହି ଲୁଟେରା ଗ୍ୟାଙ୍ଗ ଏକକାଳୀନ 8 ଗାଡି ଲୁଟ କରିଥିଲେ । ଏନେଇ ମଧୁପାଟଣା ଥାନାରେ ମାମଲା ମଧ୍ୟ ଦାୟର ହୋଇଥିଲା । ପୋଲିସ ଏହି ଗ୍ୟାଙ୍ଗକୁ ଠାବ କରିବା ପାଇଁ ଅପରେସନ ଆରମ୍ଭ କରିଥିବାବେଳେ ମଙ୍ଗଳବାର ଏହି ସଫଳତା ପାଇଛି । ଲୁଟେରାଙ୍କୁ ଗିରଫ କରିବା ସହ ଲୁଟ ଗାଡିକୁ ଜବତ କରିଛି ପୋଲିସ । ତେବେ ଏହି ମାମଲାରେ ଅଧିକ ତଦନ୍ତ ଜାରି ରହିଥିବା ପୋଲିସ କହିଛି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
