କଟକ: 21 ତମ ରାଜ୍ୟଗୋଷ୍ଠୀ ଟେବୁଲ ଟେନିସ ପ୍ରତିଯୋଗିତା ପାଇଁ ପ୍ରସ୍ତୁତ ଇଣ୍ଡୋର ଷ୍ଟାଡିୟମ । ସରି ଆସୁଛି ଅପେକ୍ଷାର ସମୟ । ଆଜି ଠାରୁ ଇଣ୍ଡୋର ହଲ ବାହାରେ ଦର୍ଶକ ମାନଙ୍କ ପାଇଁ ଅଫଲାଇନରେ ଟିକେଟ ବିକ୍ରି ଆରମ୍ଭ ହୋଇଛି । ବୁଧବାର ଏହି ମେଗା ଇଭେଣ୍ଟର ହେବ ଶୁଭ ଉଦଘାଟନ । ଏଥିପାଇଁ ସବୁ ପ୍ରକାର ପ୍ରସ୍ତୁତିକୁ ତନ୍ନତନ୍ନ କରି ପରଖୁଛି କ୍ରୀଡା ବିଭାଗ ଓ ଜିଲ୍ଲା ପ୍ରଶାସନ ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ମୋଟ 14 ଟି ଦେଶ ଏହି ବିଶ୍ବସ୍ଥରୀୟ ଟୁର୍ଣ୍ଣାମେଣ୍ଟରେ ଅଶଂଗ୍ରହଣ କରୁଛନ୍ତି । ଆଜି ଓ ଆସନ୍ତା କାଲି ମଧ୍ୟରେ ସମସ୍ତ ଟିମ ଓଡିଶାରେ ପହଞ୍ଚିବେ । ବାରବାଟୀ ଷ୍ଟାଡିୟମ ସ୍ଥିତ ସଚିନ ତେନ୍ଦୁଲକର ଇଣ୍ଡୋର ହଲରେ ଖେଳାଳିମାନେ ଅଭ୍ୟାସ କରିବା ପାଇଁ ବ୍ୟବସ୍ଥା କରାଯାଇଛି ।
ଅନ୍ୟପଟେ ଏହା ଟୁର୍ଣ୍ଣାମେଣ୍ଟରେ ବିଦେଶୀ ଖେଳାଳି ଆସୁଥିବାରୁ ଭାରତ ତଥା ଓଡିଶା ଶ୍ରେଷ୍ଠ ଆତିଥ୍ୟ ପ୍ରଦାନ କରିବା ଉପରେ ଧ୍ୟାନ ଦିଆଯାଉଛି । ଷ୍ଟାଡିୟମ ଠାରୁ ନେଇ ଅନେକ ଗୁରୁତ୍ତ୍ବପୂର୍ଣ୍ଣ ସ୍ଥାନକୁ ନୂଆ ରଙ୍ଗ ଦିଆଯାଉଛି ।
କଟକରୁ ନାରାୟଣ ସାହୁ, ଇଟିଭି ଭାରତ
