ଭୁବନେଶ୍ବର: ଟ୍ରାଫିକ ଭୟ ଲୋକଙ୍କୁ କରିଛି ଛାନିଆ । ଏନେଇ ସବୁଆଡେ ଚାଲିଛି ସଚେତନତା କାର୍ଯ୍ୟକ୍ରମ । ପ୍ରଥମେ ପୋଲିସ ପରେ ଛାତ୍ରଛାତ୍ରୀ ଓ ବିଭିନ୍ନ ସଂଙ୍ଗଠନ । ଆଉ ଏବେ ରୋଷେଇ ଛାଡି ରାସ୍ତାରେ ମହିଳା କରୁଛନ୍ତି ଲୋକଙ୍କୁ ଟ୍ରାଫିକ ସଚେତନତା ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଏହି ମହିଳାମାନେ କିଏ ନିଜର କାମ ଛାଡି ତ କିଏ ନିଜର ପିଲାକୁ ସ୍କୁଲରେ ଛାଡି ରାସ୍ତା ଉପରେ ଏକାଠି ହୋଇ ଲୋକଙ୍କୁ ଦେଇଛନ୍ତି ସଚେତନତା ବାର୍ତ୍ତା । ବିଡିଏ ନିକୋ ପାର୍କ ଟ୍ରାଫିକ ଛକରେ ଦେଖିବାକୁ ମିଳିଥିଲା ଏପରି ଦୃଶ୍ୟ । ତେବେ ଭୁବନେଶ୍ବର ୨୯ ନମ୍ବର ୱାର୍ଡର ପ୍ରାୟ ଶତାଧିକ ମହିଳା ଏହି ସଚେତନା କାର୍ଯ୍ୟକ୍ରମରେ ହୋଇଥିଲେ ଏକତ୍ରିତ ।
ଏଥିରେ ୫ଟି ମହିଳା ସ୍ବୟ ସଂଗଠନ ମିଶି ଲୋକଙ୍କୁ କରିଥିଲେ ସଚେତନ। । କିପରି ରାସ୍ତାରେ ଯିବା ବେଳେ ଟ୍ରାଫିକ ନିୟମ ମାନିବେ,ସିଟ ବେଲ୍ଟ ସହ ହେଲମେଟ ପିନ୍ଧିବେ, ମୋବାଇଲରେ କଥା ନହୋଇ ସଚେତନ ହେବେ । ସେନେଇ ପ୍ଲା କାର୍ଡ ଜରିଆରେ ଦେଇଛନ୍ତି ବାର୍ତ୍ତା ।
ଭୁବନେଶ୍ବରରୁ ତାପସ ପରିଡା, ଇିଟଭି ଭାରତ
