ଭୁବନେଶ୍ବର: ଟେଲି ଯୋଗାଯୋଗ ବିଭାଗ ଦ୍ବାରା ଆୟୋଜିତ ହୋଇଛି ସଚେତନତା ୱେବିନାର । ଆଉ ଏହା ଦ୍ବାରା କଳା ପ୍ରଯୁକ୍ତିବିଦ୍ୟା ଏବଂ ସର୍ବୋତ୍ତମ ସେବା ସହିତ ଏକ ଦୃଢ ଟେଲିକମ୍ ନେଟୱାର୍କ ସୁନିଶ୍ଚିତ କରି ଏକ ନୂତନ ଟେଲିକମ ଭାରତ ନିର୍ମାଣ କରିବାକୁ ହେବାକୁ ଯାଉଛି । ତେବେ ଏହି ମୋବାଇଲ୍ ଟାୱାରର ଆବଶ୍ୟକତା ବିଷୟରେ ସାଧାରଣ ଜନତାଙ୍କୁ ସଚେତନ କରାଇବା ନେଇ ଲକ୍ଷ ରଖାଯାଇଛି । ଏହାକୁ ବିଶ୍ବସ୍ତରୀୟ ବୈଜ୍ଞାନିକ ମାନେ ଏହାକୁ ପ୍ରମାଣ କରିଛନ୍ତି ଯେ ନାଗରିକଙ୍କ ଭିତ୍ତିହୀନ ଭୟକୁ ଦୂର କରିବା ପାଇଁ ମୋବାଇଲ୍ ଟାୱାରରୁ ବାହାରୁଥିବା ବିକିରଣ କ୍ଷତିକାରକ ନୁହେଁ ।
ଏନେଇ ଡେପୁଟି ଜେନେରାଲ ଡ଼ାଇରେକ୍ଟର ବି.କେ ନାୟକ କହିଛନ୍ତି ଯେ ଟେଲି ଯୋଗାଯୋଗ ହେଉଛି ନାଗରିକଙ୍କ ସଶକ୍ତିକରଣର ଏକ ପ୍ରମୁଖ ଉତ୍ସ ଏବଂ ଏକ ଦେଶର ସାମାଜିକ- ଅର୍ଥନୈତିକ ବିକାଶ ପାଇଁ ଏକ ପ୍ରଭାବଶାଳୀ ଉପକରଣ। ଅର୍ଥନୀତିର ବିଭିନ୍ନ କ୍ଷେତ୍ରର ଦ୍ରୁତ ଅଭିବୃଦ୍ଧି ଏବଂ ଆଧୁନିକୀକରଣ ପାଇଁ ମୂଳ ଭିତ୍ତିଭୂମି ।
ସେ ଆହୁରି କହିଛନ୍ତି ଯେ ରାଜ୍ୟରେ ଟେଲିକମ ଏକ ଗୁରୁତ୍ବପୂର୍ଣ୍ଣ ବିଭାଗ । ଲୋକମାନଙ୍କୁ ବିଭିନ୍ନ ସମୟରେ ଅବଗତ କରାଇବା। ପାଖରେ ଟାୱାର ହେଲେ ସ୍ୱସ୍ଥ୍ୟ ପ୍ରତି ବିପଦ ଆସୁଛି ତାକୁ ନେଇ ଲୋକଙ୍କୁ ସଚେତନତା କରିବା ଲକ୍ଷ ରଖାଯାଇଛି । ତେବେ ଟାର୍ଗେଟ ରହିଛି ପ୍ରତି ଏକ ହଜାର ଜନସଂଖ୍ୟାରେ ଗୋଟିଏ ଟାୱାର ବସିବ। ଓଡ଼ିଶାରେ । ସେ କହିଛନ୍ତି କି ପ୍ରତି ୧ହଜାର ଲୋକଙ୍କ ମଧ୍ୟରେ ରହିଛି 4 ଟାୱାର ।
ଏହା ସହ ଆହୁରି ଅଢେଇ ଗୁଣା ଟାୱାର ବଢ଼ାଯିବ ଓଡ଼ିଶାରେ। ବିଶେଷ ଭାବରେ କନ୍ଧମାଳ କଳାହାଣ୍ଡି ନୂଆପଡା ଭଳି ଜିଲ୍ଲା ଓ ସହର ଗୁଡିକରେ ଅଧିକରୁ ଅଧିକ ମୋବାଇଲ ଟାୱାର ବସାଇବା ପାଇଁ ନିଷ୍ପତ୍ତି ନିଆଯାଇଛି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
