ଭୁବନେଶ୍ବର: ରାଜ୍ୟରେ ଜାରି ରହିଛି ଶୀତ ଲହରି । ସକାଳେ ହାଲୁକା ଥଣ୍ଡା ପବନ ବହିବା ସାଙ୍ଗକୁ ଧିରେ ଧିରେ ବୃଦ୍ଧି ପାଉଛି ଶୀତର ପ୍ରକୋପ । ପ୍ରତ୍ୟେକ ଦିନ 10 ଡିଗ୍ରୀ ତଳେ ରହୁଛି 6ଟି ସହରର ତାପମାତ୍ରା । ଥଣ୍ଡାରେ ଥରୁଛନ୍ତି ଲୋକେ । ତେବେ ମଙ୍ଗଳବାର ରିପୋର୍ଟ ଅନୁସାରେ 9.2 ଡିଗ୍ରୀ ସେଲସିୟସ ସହ ଆଜି ବି ସୋନପୁର ପାଲଟିଛି ସବୁଠୁ ଥଣ୍ଡା ସହର ।
ଆଞ୍ଚଳିକ ପାଣିପାଗ ବିଭାଗ ସୂଚନା ମୁତାବକ, ରାଜ୍ୟର ୧୨ଡିଗ୍ରୀ ସେଲସିୟସ ତାପମାତ୍ରା ତଳେ ରହିଛି ଓଡ଼ିଶାର ୬ ସହର । ସୋନପୁରରେ ୯.୨C, ଦାରିଙ୍ଗବାଡିରେ ୯.୫C, ଫୁଲବାଣୀରେ ୯.୮C, କୋରାପୁଟରେ ୧୦.୬C, ଅନୁଗୁଳରେ ୧୦.୮C, ଭବାନୀପାଟଣାରେ ୧୧.୦C ତାପମାତ୍ରା ରହିଛି ।
ସେହିପରି ରାଜଧାନୀ ଭୁବନେଶ୍ବରରେ ଆଜି ୧୭.୪C ଏବଂ କଟକରେ ୧୬.୪C ତାପମାତ୍ରା ରେକର୍ଡ କରାଯାଇଛି । ତେବେ ଆଗକୁ ଶୀତ ବଢିବାର ସମ୍ଭାବନା ରହିଛି ବୋଲି ସୂଚନା ଦେଇଛି ଆଞ୍ଚଳିକ ପାଣିପାଗ ବିଭାଗ ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
