ଅମରାବତୀ: ଦିନକୁ ଦିନ ପେଟ୍ରୋଲ ଦର ବୃଦ୍ଧି ଅସହ୍ୟ ହେଲାଣି । ପେଟ୍ରୋଲ ଦର ବର୍ତ୍ତମାନ ଶହେ ପାର କଲାଣି । ସାଧାରଣ ଲୋକେ ଆଉ ପେଟ୍ରୋଲ ପକାଇବା ଅସମ୍ଭବ ହେଲାଣି । ଏ ଭଳି ସ୍ଥିତିରେ ନିଜର ଦୈନନ୍ଦିନ କାର୍ଯ୍ୟରେ ବ୍ୟବହାର କରିବା ପାଇଁ ନିଆର ଉପାୟ ଅବଲମ୍ବନ କରିଛନ୍ତି ଜଣେ ବ୍ୟକ୍ତି । ଦୁଇ ଚକିଆ ଯାନ ବଦଳରେ ବ୍ୟବହାର କରୁଛନ୍ତି ଗଧ। ଏ ଭଳି ଘଟଣା ଦେଖିବାକୁ ମିଳିଛି ଆନ୍ଧ୍ରପ୍ରଦେଶର ଅନନ୍ତପୁର ଜିଲ୍ଲାର ରାୟଦୁର୍ଗମରେ ।
ରାୟଦୁର୍ଗମର ଲୋକଙ୍କ ପୋଷାକ ସଫା କରୁଥିବା ଜଣେ ରଜକ ଲୁନା ଗାଡି ବଦଳରେ ଏବେ ବ୍ୟବହାର କରୁଛନ୍ତି ଗଧ । ସୁରେଶ କହିଛନ୍ତି ଯେ ଦିନକୁ ଦିନ ପେଟ୍ରୋଲ ଦର ବୃଦ୍ଧି ପାଇବାରେ ଲାଗିଛି । ମୁଁ ଏକ ଲୁନା ଗାଡି ବ୍ୟବହାର କରି ପ୍ରତିଦିନ 20 କିଲୋମିଟର ପର୍ଯ୍ୟନ୍ତ ଯାଇ ସଂଗ୍ରହ କରୁଥିଲି । ଦୈନିକ ନିଜର ଆୟ 100 ରୁ 200 ହେଉଥିବାବେଳେ ବର୍ତ୍ତମାନ 100 ପାର କଲାଣି ପେଟ୍ରୋଲ ଦର ଯାହା ପକେଟକୁ ବାଧୁଛି । ଏ ଭଳି ସ୍ଥିତିରେ ଏକ ଉପାୟ ଅବଲମ୍ବନ କରି ଏକ ଗଧ କିଣିଛନ୍ତି । ଏହି ଗଧ ସହିତ ଶଗଡ ବ୍ୟବହାର କରି ଗଧ ଶଗଡ ତିଆରି କରିଛନ୍ତି । ଯାହା ତାଙ୍କୁ ଦୈନିକ ଡ୍ରେସପଟା ସଂଗ୍ରହ କରିବାରେ ସାହାର୍ଯ୍ୟ କରିବା ସହ କମ ଖର୍ଚ୍ଚ ମଧ୍ୟ ହେଉଛି । ସେ ଗଧ କିଣିବା ପାଇଁ 16 ହଜାର ଟଙ୍କା ଖର୍ଚ୍ଚ କରିଥିବାବେଳେ ଶଗଡ କିଣିବା ପାଇଁ 10 ହଜାର ଟଙ୍କା ଖର୍ଚ୍ଚ କରିଛନ୍ତି।
ସେପଟେ ତାଙ୍କର ଏହି ଗଧ ଶଗଡକୁ ଦେଖି ଅନ୍ୟମାନେ ମଧ୍ୟ ଏ ଭଳି ଶଗଡ ବ୍ୟବହାର କରିବା ପାଇଁ ମନବଳାଇଛନ୍ତି । ବର୍ତମାନ ଗଧର ଚାହିଦାକୁ ଦେଖି ଗଧର ବିକ୍ରୟ ଦର 15 ରୁ 25 ହଜାର ଟଙ୍କା ବୃଦ୍ଧି ପାଇଛି। ସେପଟେ ଉପଯୁକ୍ତ ମୂଲ୍ୟରେ ଗଧ ଯୋଗାଇବା ପାଇଁ ରାଜ୍ୟ ସରକାରଙ୍କୁ ଦାବି କରିଛନ୍ତି ଲୋକେ।
ବ୍ୟୁରୋ ରିପୋର୍ଟ,ଇଟିଭି ଭାରତ
