ଭୁବନେଶ୍ବର: ରାଜ୍ୟର ଅନ୍ୟତମ ଶ୍ରେଷ୍ଠ ବିଶ୍ବବିଦ୍ୟାଳୟ ଉତ୍କଳ ବିଶ୍ଵବିଦ୍ୟାଳୟର ଆଜି(ଶୁକ୍ରବାର) ପ୍ରତିଷ୍ଠା ଦିବସ । ଶୁକ୍ରବାର ବିଶ୍ବବିଦ୍ୟାଳରେ 78 ତମ ପ୍ରତିଷ୍ଠା ଦିବସ ପାଳନ କରାଯାଉଛି । କୋଭିଡ କଟକଣାକୁ ଦୃଷ୍ଟିରେ ରଖି ବିଶ୍ବବିଦ୍ୟାଳର ଛାତ୍ରଛାତ୍ରୀ, କୁଳପତି ତଥା ଚେୟାରମ୍ୟାନ ଏକତ୍ରିତ ହୋଇ ପ୍ରତିଷ୍ଠା ଦିବସକୁ ପାଳନ କରୁଛନ୍ତି । ଏହି ଅବସରରେ ବିଶ୍ବବିଦ୍ୟାଳୟକୁ ଆଗକୁ କିଭଳି ଅଧିକ ରୁ ଅଧିକ ଉନ୍ନତି କରାଯାଇପାରିବ ସେନେଇ ଆଲୋଚନା କରିଛନ୍ତି ।
ସୂଚନା ଅନୁଯାୟୀ କୁଳପତି ସବିତା ଆଚାର୍ଯ୍ୟଙ୍କ ଉପସ୍ଥିତିରେ ପ୍ରତିଷ୍ଠା ଦିବସ କାର୍ଯ୍ୟକ୍ରମ ଆରମ୍ଭ ହୋଇଥିଲା । ଏହି ପ୍ରତିଷ୍ଠା ଦିବସରେ ପିଜି କାଂଉସିଲିଂର ଚେୟାରମ୍ୟାନ ବସନ୍ତ କୁମାର ମଲ୍ଲିକ, ରେଜିଷ୍ଟର ଅଭୟ କୁମାର ନାୟକ ଓ ବିଶ୍ୱବିଦ୍ୟାଳୟର ସମସ୍ତ ଅଧ୍ୟାପକ, ଅଧ୍ୟାପିକାଙ୍କ ସହ ପୂର୍ବତନ ଛାତ୍ରଛାତ୍ରୀ ଉପସ୍ଥିତ ଥିଲେ। ଏହି ଅବସରରେ କୁଳପତି ସବିତା ଆଚାର୍ଯ୍ୟ କହିଛନ୍ତି ଯେ, କୋଭିଡ ନିୟମ ଅନୁସାରେ ପ୍ରତିଷ୍ଠା ଦିବସ ପାଳନ ହୋଇଛି । ବିଶ୍ୱବିଦ୍ୟାଳୟରେ ଥିବା କ୍ୟାମ୍ପସକୁ କିଭଳି ଭାବରେ ଡିଜିଟାଲ କରାଯିବ ସେନେଇ ଖୁବଶୀଘ୍ର ବ୍ୟବସ୍ଥା କରାଯିବ । ଯେଭଳିକି ଇଣ୍ଟରନେଟର ଇଲେକ୍ଟ୍ରିସିଟି ଆଦିକୁ ଗୁରୁତ୍ୱ ଦିଆଯିବ । ଅନ୍ୟପଟେ ନାକ୍ ଟିମ୍ ପକ୍ଷରୁ ମିଳିତିବା ଏ ପ୍ଲସ ମାନ୍ୟତା କିଭଳି ଭାବେ ଏ ପ୍ଲସ ପ୍ଲସ ରହିବ ସେନେଇ କାର୍ଯ୍ୟ କରାଯିବ ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
