ଭୁବନେଶ୍ବର: ଗଞ୍ଜେଇ ଚାଲାଣର ନୂଆ ଟ୍ରିକ୍। ଗଞ୍ଜେଇ ସପ୍ଲାଏ ପାଇଁ ମହିଳାଙ୍କୁ କରାଯାଉଛି ଢାଲ। ପୋଲିସ ଓ ଅବକାରୀ ଭୟରୁ ଖସିଯିବାକୁ ମହିଳା ସାଜିଛନ୍ତି ସପ୍ଲାଏରର ମାଧ୍ଯମ । ମହିଳାଙ୍କୁ ମୋହରା କରି ୫୦ କେଜିରୁ ଊର୍ଦ୍ଧ୍ବ ଗଞ୍ଜେଇ ଚାଲାଣ ବେଳେ ସୁରାକ ପାଇଥିଲା ଭୁବନେଶ୍ବର ଅବକାରୀ ଟିମ ।
ଗଞ୍ଜେଇ ଚାଲାଣରେ ମହିଳା ସପ୍ଲାଏର, ରାଜଧାନୀରେ ମଲ ସାମ୍ନାରୁ ଜବତ
ଏନେଇ ତମାଣ୍ଡୋ ଥାନା ଅନ୍ତର୍ଗତ ଏକ ବଡ ସପିଂ ମଲ ସାମ୍ନାରେ ଗାଡିକୁ ଅଟକାଇ ଯାଞ୍ଚ ବେଳେ ଧରାପଡିଥିଲା ଗଞ୍ଜେଇ ବୋଝେଇ ଟାଟା ଏସି । ଦୁଇ ଜଣ ମହିଳା ସମେତ ଜଣେ ଡ୍ରାଇଭରକୁ ଗିରଫ କରିବା ସହ ଗାଡି ନମ୍ବର OD02 BM 6376 କୁ ଜବତ କରିଛି ଭୁବନେଶ୍ବର ଅବକାରୀ ଟିମ । ଗିରଫ ହୋଇଥିବା 2 ମହିଳା ହେଉଛନ୍ତି 30 ବର୍ଷିୟ ସବିତା ଦିଗଲ୍ ଓ 35 ବର୍ଷିୟ ମମତା ଦିଗଲ୍ । ଅନ୍ୟପଟେ 45 ବର୍ଷିୟ ସୁରଥ ବେହେରା ନାମକ ଡ୍ରାଇଭରକୁ ମଧ୍ୟ ଗିରଫ କରାଯାଇଛି । ଏନେଇ ଗଞ୍ଜେଇ ପରିମାଣ ବିଷୟରେ ଯାଞ୍ଚ ଚାଲିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
