ଭୁବନେଶ୍ବର: ନାଁ ସେ ଦୁଃଖିର ନା ସେ ଧନୀର । ସେ ତ କାଳିଆ ସାଆନ୍ତ ସଭିଙ୍କର । ଭକ୍ତ ବଳରାମ ଦାସ ପରି ବାଲିରେ ରଥ ହେଉ ବା ଦାସିଆ ବାଉରି ହୋଇ ନଡିଆ ଯାଚିବା ହେଉ ଭକ୍ତଙ୍କ କଥା ଆସିଲେ ଧାଇଁ ଆସନ୍ତି ପ୍ରଭୁ । ସେଭଳି ଲୀଳାମୟ ଠାକୁରଙ୍କ ଡୋରି ଲାଗିଛି ବିଚ୍ଚିନ୍ନାଞ୍ଚଳକୁ ।
ସୁଦୁର ମାଲକାନଗିରି, କୋରାପୁଟ ଜିଲ୍ଲାର ବିଛିନ୍ନାଞ୍ଚଳ ଷଢେଇକଳା, ଖରସୁଆଁ, ଚାଇଁବସାରେ ପହଞ୍ଚିବ ଜଗନ୍ନାଥ ସଂସ୍କୃତିର ପରମ୍ପରା ଓ କାହାଣୀ । ଯେଉଁଠି ଠାକୁରଙ୍କ ବହିଟିଏ ପାଇଲେ ପୂଜା କରନ୍ତି ଲୋକେ । ସେହି ବିଛିନ୍ନାଞ୍ଚଳକୁ ଲାଗିଛି ଜଗାର ଡୋରି । ସାହା ହୋଇଛନ୍ତି ଓଡିଶା ସରକାରଙ୍କ ସୂଚନା ଲୋକସମ୍ପର୍କ ବିଭାଗ ।
ଏହି ବିଭାଗ ପକ୍ଷରୁ ପ୍ରଥମ ପର୍ଯାୟରେ ଏହି ବିଛିନ୍ନାଞ୍ଚଳକୁ ପଠାଯାଇଛି ଉତ୍କଳ ପ୍ରସଙ୍ଗର ଓଡିଆ ସଂସ୍କରଣ । ଯାହାକି ଛତିଶଗଡ ଓ ଓଡିଶା ସୀମାରେ ରହୁଥିବା ଲୋକମାନଙ୍କୁ ବିତରଣ କରାଯିବ । ଏହି ସଂସ୍କରଣ ଜରିଆରେ ସେମାନେ ଜଗନ୍ନାଥ ସଂସ୍କୃତି ଓ ପରମ୍ପରା ସମ୍ପର୍କରେ ଅବଗତ ହୋଇପାରିବେ । ଏନେଇ ସ୍ବତନ୍ତ୍ର ଗାଡି ଯୋଗେ ଏସବୁ ପୁସ୍ତକ ପଠାଯାଇଛି ବିଛିନ୍ନାଅଞ୍ଚଳକୁ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
