ଭୁବନେଶ୍ବର: ଜାଗର ପାଇଁ ଜୋରସୋରରେ ଚାଲିଛି ପ୍ରସ୍ତୁତି । ମହାପ୍ରଭୁ ଲିଙ୍ଗରାଜଙ୍କ ଜାଗର ଯାତ୍ରା ପାଇଁ ତୟାର ହୋଇସାରିଛି ଟ୍ରାଫିକ । ଏଥର ମନ୍ଦିର ପାଖରୁ କୌଣସି ବାଇକ କି କାର ଯିବ ନାହିଁ। କେବଳ ଯିବ ଭିଭିଆପି ଓ ଅଫିସରଙ୍କ କାର । ତେଣୁ ସାଧାରଣ ଲୋକଙ୍କ ପାଇଁ ଅନ୍ୟ ଏକ ବ୍ୟବସ୍ଥା କରାଯାଇଛି ।
ମାଉସୀ ମା’ ପଟୁ ଯାଉଥିଲେ, ମାଉସୀ ମା’ ଛକରୁ ରଥରୋଡ ଦେଇ କେବଳ ବାଇକରେ ଯାଇ ହେବ । ନଚେତ ସେପଟେ, କାରକୁ ଅନୁମତି ନାହିଁ । କେବଳ ବିବେକାନନ୍ଦ ମାର୍ଗ ଦେଇ କେଦାରଗୌରୀରେ ପାର୍କ କରିବେ । ବଢେଇ ବାଙ୍କ ଛକ ଦେଇ ବିଏମସି ହସ୍ପିଟାଲ ପାଖ ବିଏମସ ଓ ଏସଏମ ହାଇସ୍କୁଲ ପଡିଆରେ ବାଇକ ପାର୍କିଂ କରାଯିବ । ସେହିପରି ରବି ଟକିଜ ଦିଗରୁ ଆସୁଥିଲେ କଚରାପିଣ୍ଡି ବା କେଦାରଗୌରି ପାଖରେ କାର ଓ ବାଇକ ପାର୍କ କରିବେ। ସେଠାରୁ ବିନ୍ଦୁ ସାଗର କଡେ ଚାଲି ଚାଲି ମନ୍ଦିରକୁ ଯିବେ ।
ସିଟି ବସରେ ଆସିଲେ ବା କାରରେ ଆସିଲେ ଗ୍ୟାରେଜ ଛକ ଦେଇ ଇଲେକ୍ଟ୍ରିକ ଛକ ଦେଇ ଅନନ୍ତ ବାସୁଦେବ ମନ୍ଦିର ପଛପଟେ ବିଏମସି ନିୟୁ ମାର୍କେଟ କମ୍ପ୍ଲେକ୍ସ ପାଖରେ ପାର୍କ କରିବେ। ପୁନମା ଗେଟ ଦେଇ ଆସୁଥିଲେ ଉଭୟ ବାଇକ ଓ କାରରେ ଆସି ଆରଆଇ ଅଫିସ ଗ୍ରାଉଣ୍ଡରେ ପାର୍କ କରିବେ କିନ୍ତୁ ବଢେଇବାଙ୍କ ପର୍ଯ୍ୟନ୍ତ କାର ଆସିପାରିବ ନାହିଁ। ଅନ୍ୟପଟେ, ଦକ୍ଷୀଣକାଳି ବା ତାରାସୁନ୍ଦରାୟ ରୋଡ ଦେଇ ଉଭୟ ବାଇକ ଓ କାର ଆଣି ପାରିବେ ହେଲେ ବିଏମ ହାଇସ୍କୁଲ ଓ ଏସଏମ ହାଇସ୍କୁଲ ପଡିଆରେ ପାର୍କ କରିବେ।
କେଉଟ ସାହି ଦିଗରୁ ଆସିଲେ କେଦାର ଲେନ ଦେଇ ତାରିଣୀ ରିସୋର୍ଟ ଦେଇ ବିଏମସି ମାର୍କେଟ କମ୍ପ୍ଲେକ୍ସରେ ପହଞ୍ଚିବେ । ଭିଆପି ଓଫିସିଆଲ ପାଇଁ ପୁରୁଣା ଥାନା ପାଖରେ ପାର୍କିର ସୁବିଧା କରାଯାଇଛି। ମାନଚିତ୍ର ଅନୁସାରେ ହଳଦିଆ ସ୍ଥାନ ମାନଙ୍କରେ ପାଦଚଲା ରହିଛି ଓ ନାଲି ସ୍ଥାନ ଗୁଡିକରେ ବାଇକ ଚଳପ୍ରଚଳ ପାଇଁ ବ୍ୟବସ୍ଥା ରହିଛି। ଏହିପରି ଭାବରେ ମୋଟ ୧୪ଟି ପାର୍କିଂ ପ୍ଲେସ କରାଯାଇଛି।
ଚାରି ଚକିଆ ଓ ଦୁଇଚକିଆ ଅଲଗା ପାର୍କିଂ କରିବେ। ଶିବରାତ୍ରୀ ପାଇଁ ଟ୍ରାଫିକ ଡିସିପି ସାମ୍ବାଦିକ ସମ୍ମିଳନୀରେ ଏଭଳି ସୂଚନା ଦେଇଛନ୍ତି । କମିଶନରେଟ୍ ପୋଲିସ ପାର୍କରୁ ଟ୍ରାଫିକ ଆଡଭାଇଜୋରି ଜାରୀ କରାଯାଇଛି। ଏମର୍ଜେନ୍ସି ଭେହିକିଲକୁ ସବୁଠି ପ୍ରାଧାନ୍ୟ ମିଳିବ । ମହାଶିବରାତ୍ରୀ ପାଇଁ ୩ ଲେୟାର ପାର୍କିଂ ବ୍ୟବସ୍ଥା କରାଯାଇଛି । ଗୁରୁତ୍ବପୂର୍ଣ୍ଣ ସ୍ଥାନରେ ଫୋର୍ସ ମୁତୟନ ରହିବେ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
