ଭୁବନେଶ୍ବର: ଆଜି ହେଉଛି ବିଶ୍ବ ହାତୀ ଦିବସ । ୨୦୧୨ ମସିହା ଅଗଷ୍ଟ ୧୨ରୁ ଏହି ହସ୍ତୀ ଦିବସ ପାଳନ କରାଯାଉଛି । ଏହି ଅବସରରେ ସୋମବାର ନନ୍ଦନକାନନ ପ୍ରାଣୀ ଉଦ୍ୟାନ ତରଫରୁ ସ୍ବତନ୍ତ୍ର କାର୍ଯ୍ୟକ୍ରମ ଆୟୋଜନ କରାଯାଇଛି ।
ଭିଡିଓ ସୌଜନ୍ୟ- ସମ୍ବାଦଦାତା, ଭୁବନେଶ୍ବର
ହାତୀଙ୍କୁ ସଜାଇବା ସହ ଫଳମୂଳ ଖାଇବାକୁ ଦିଆଯାଇଛି। ଏଥିପାଇଁ ନନ୍ଦନକାନନ ପ୍ରାଣୀ ଉଦ୍ୟାନରେ ନିଆରା କାର୍ଯ୍ୟକ୍ରମର ଆୟୋଜନ ହୋଇଛି। ହାତୀଙ୍କୁ କଦଳୀ, ନଡ଼ିଆ, ସେଓ ପ୍ରଭୃତି ଫଳ ଦିଆଯାଇଛି ।
ହାତୀ ଦିବସରେ ନନ୍ଦନକାନନରେ ଥିବା ୮ ହାତୀଙ୍କ ମଧ୍ୟରୁ ଗୋରୀ, କମଳା, ଜୁଲି ଓ ମାମାକୁ ଉତ୍ସବ ସ୍ଥଳକୁ ଅଣାଯାଇଥିଲା । ଅନ୍ୟପଟେ ଆଜି ନନ୍ଦନକାନନ ପ୍ରାଣୀ ଉଦ୍ୟାନ ଏହି ବିଶ୍ବ ହାତୀ ଦିବସ ପାଳିବାକୁ ବହୁଳ ମାତ୍ରାରେ ପର୍ଯ୍ୟଟକ ମଧ୍ୟ ଆସିଥିଲେ ।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
