ଭୁବନେଶ୍ବର: ଗୁରୁବାର ଓଡିଶା ମାନବ ଅଧିକାର ଆୟୋଗ ବା OHRC ପକ୍ଷରୁ ବିଶ୍ବ ମାନବ ଅଧିକାର ଦିବସ ପାଳିତ ହୋଇଯାଇଛି । କୋରୋନା କଟକଣା ମଧ୍ୟରେ ଦିବସଟି ପାଳିତ ହେବା ସହିତ ଜଷ୍ଟିସ ବି. କେ ପଟେଲ କାର୍ଯ୍ୟକ୍ରମର ଅଧ୍ୟକ୍ଷତା କରିଥିଲେ ।
ଏହି କାର୍ଯ୍ୟକ୍ରମରେ ମାନବ ଅଧିକାର ଆୟୋଗ ଦ୍ବାରା ହୋଇଥିବା ବିଭିନ୍ନ କାର୍ଯ୍ୟକଳାପ ସମ୍ପର୍କରେ ଆଲୋଚନା କରାଯାଇଥିଲା । ଆୟୋଗର ହସ୍ତକ୍ଷେପ ଦ୍ବାରା ଅନେକ ଦୃଷ୍ଟାନ୍ତମୂଳକ କ୍ଷେତ୍ରରେ ଉଲ୍ଲେଖନୀୟ ଉନ୍ନତି ଘଟିଛି । ମାନବ ଅଧିକାର ଆୟୋଗ ଶାସନକୁ ସୁଗମ କରିବା ପାଇଁ ଉଦ୍ଦିଷ୍ଟ । ସେମାନଙ୍କର ସାମାଜିକ, ଅର୍ଥନୀତି ଏବଂ ସାଂସ୍କୃତିକ ଅଧିକାର ହାସଲ କରିବାକୁ ପ୍ରଶାସନ ଏବଂ ଲୋକଙ୍କ ସାହାଯ୍ୟ ପାଇଁ ଏହା ରହିଛି । 2020 ମସିହାରେ ଡିସେମ୍ବର 1 ତାରିଖ ସୁଦ୍ଧା ଏହି ohrc କମିଶନଙ୍କ ପ୍ରାୟ 3419ଟି ଆବେଦନର ଶୁଣାଣି କରିଛନ୍ତି । OHRCର ଅଧ୍ୟକ୍ଷ ବି.କେ ପଟେଲ ଏହି କାର୍ଯ୍ୟକ୍ରମରେ ଅଧ୍ୟକ୍ଷତା କରିଥିଲେ। ଜଷ୍ଟିସ୍ ରଘୁବୀର ଦାଶ, ଅସୀମ ଅମିତାଭ ଦାଶ ଏବଂ ବିନୟାନ ପ୍ରମୁଖ ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ ।
ବିଶ୍ବ ମାନବାଧିକାର ଦିବସ ପ୍ରତିବର୍ଷ 10 ଡିସେମ୍ବରରେ ସମଗ୍ର ବିଶ୍ବରେ ପାଳନ କରାଯାଏ । 1948 ମସିହାରେ ଏହି ଦିନ ମିଳିତ ଜାତିସଂଘର ସାଧାରଣ ସଭାରେ ମାନବିକ ଅଧିକାର ବିଶ୍ବସ୍ତରରେ ଘୋଷଣାନାମା ଗ୍ରହଣ କଲା। ସେହି ଦିନଠାରୁ ପ୍ରତିବର୍ଷ ବିଶ୍ବରେ ଏହି ଦିନକୁ ଏକ ସ୍ମାରକ ରୂପେ ପାଳନ କରାଯାଉଛି । ଆମର ଜାତୀୟତା, ବାସସ୍ଥାନ, ଲିଙ୍ଗ, ଜାତୀୟ କିମ୍ବା ଜାତିଗତ ନିର୍ବିଶେଷରେ ମାନବିକ ଅଧିକାର ସମସ୍ତ ମାନବଙ୍କ ପାଇଁ ଅନ୍ତର୍ନିହିତ ଅଧିକାର ।
ରଙ୍ଗ, ଧର୍ମ, ଭାଷା କିମ୍ବା ଅନ୍ୟ କୌଣସି ଭେଦଭାବ ବିନା ଆମେ ସମସ୍ତେ ସମାନ ଭାବରେ ଆମର ମାନବିକ ଅଧିକାର ପାଇଁ ହକଦାର । ଏହି ଅଧିକାରଗୁଡ଼ିକ ସମସ୍ତ ଅନ୍ତ ସମ୍ବନ୍ଧୀୟ, ପରସ୍ପର ଉପରେ ନିର୍ଭରଶୀଳ ଏବଂ ଅବିଚ୍ଛେଦ୍ୟ ଅଟେ। ମାନବ ଅଧିକାର ଆଇନ 1993 ମସିହାରେ ଲାଗୁ ହେବା ପରେ କେନ୍ଦ୍ରରେ ଜାତୀୟ ମାନବ ଅଧିକାର ଆୟୋଗ ଏବଂ ଆମ ରାଜ୍ୟ ସମେତ ବିଭିନ୍ନ ରାଜ୍ୟରେ ରାଜ୍ୟ ମାନବ ଅଧିକାର ଆୟୋଗ ଗଠନ କରାଯାଇଛି।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
